Májilis spıkeri Erlan Qoshanovtyń tóraǵalyǵymen bıýro ótip, aldaǵy jalpy otyrystyń kún tártibi naqtylandy.
Birinshi oqylymda depýtattardyń talqylaýyna jolaýshylardy avtomobılmen tasymaldaý salasyndaǵy keıbir memlekettik fýnksııalardy mindetti múshelikke negizdelgen ózin-ózi retteýge berý máseleleri týraly zań jobasy usynylady. Básekelestik ortaǵa jolaýshylardy oblysaralyq jáne halyqaralyq turaqty tasymaldaýdy, turaqty emes tasymaldaýlardy, sondaı-aq taksı qyzmetin uıymdastyrý boıynsha birqatar memlekettik fýnksııany berý kózdelgen. Osyǵan baılanysty «Kólik týraly», «Avtomobıl kóligi týraly», «Astana mártebesi týraly», «Ruqsattar men habarlamalar týraly», «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zańdarǵa ózgerister engizý qarastyrylady.
Sondaı-aq kún tártibi jobasyna Eýrazııalyq ekonomıkalyq odaq sheńberinde aýyl sharýashylyǵy ónimine arnalǵan qoımalyq kýálikterdi shyǵarý (berý), olardyń aınalysy jáne ótelý qaǵıdalary týraly kelisimdi ratıfıkasııalaý týraly zań jobasy engizildi. Qujat aýyl sharýashylyǵy salasyndaǵy yntymaqtastyq pen ózara saýdany damytýǵa baǵyttalǵan.