Respýblıka kúnine oraı «Jastar rýhy» jastar qanaty pikirtalas týrnırin uıymdastyrdy. «Amanat» partııasynyń «Amanat cup» XHII pikirsaıysyna elimizdiń ár óńirinen 120 jas qatysty. Olar áleýmettik-saıası, ekonomıka, ekologııa, sıfrlyq áleýet syndy taqyryptardy qaýzap, ózara baq synady.
Týrnır Qyzylorda qalasynda úsh negizgi oıyn formatynda ótti. Qatysýshylar 3 mln teńge kólemindegi jalpy júlde men kýbokke talasty.
Týrnırdiń qorytyndy oıyndaryna Məjilis depýtattary Samat Nurtaza, Bolat Kerimbek, Maksım Rojın, jýrnalıst, «Ýəde» telejobasynyń avtory Erbolat Muhamedjan, Qyzylorda oblysy əkiminiń orynbasary Shahmardan Baımanov, «Amanat» partııasy Qyzylorda oblystyq fılıalynyń tóraǵasy Almasbek Esmahanov, «Jastar rýhy» tóraǵasy Aqerke Iskanderova, sondaı-aq jergilikti məslıhat depýtattary men qoǵam belsendileri qatysty.
– Týrnır úshinshi jyl qatarynan Jastar qanatynyń seriktesi Islam yntymaqtastyǵy uıymy Jastar forýmynyń Eýrazııalyq óńirlik ortalyǵynyń qoldaýymen ótip jatyr. Bıyl pikirsaıys ulttyq merekemiz Respýblıka kúni qarsańynda uıymdastyryldy. Oıynda talqyǵa salynatyn qararlar da qoǵamdaǵy ótkir máselelerge baılanysty tańdaldy. Partııa men Jastar qanatynyń alańynda oıy ushqyr, sózge sheshen jastardy jınap, mańyzdy máselelerdi kóterý, sheshý joldaryn tabý dástúrge aınalǵanyna birneshe jyl boldy. Osy eki kún boıy qazaq, orys fraksııalary zııatkerlikterin shyńdady, – dedi A.Iskanderova.
Eki kúnge jalǵasqan oıyn nətıjesinde qazaq lıgasynda «Amanat cup» kýbogin ıelengen Almaty qalasynyń «Aqespe» fraksııasy (Muhammedáli Álimbaev, Temirlan Esenov) – 600 myń teńge, 2-oryn alǵan Almaty qalasy men Aqtóbe oblysynan quralǵan «Qorqyt ata» fraksııasy (Nurhan Jáken, Nurken Jáken) – 400 myń teńge, al 3-oryndaǵy Almaty oblysynan «Raıym» fraksııasy (Qubyla Beısenáli, Botagóz Jaqsylyq) 200 myń teńgeni qanjyǵasyna baılady.
Orys lıgasynda dál osyndaı júldeli kýbokti Pavlodar oblysynyń «Qosjar» fraksııasy (Bekhan Jaqsylyk, Aqyljan Itegýlov), 2-oryndy astanalyq «Qumbazar» (Muhıtjan Rolan, Berdaly Qunanbaı), al 3-oryndy Qyzylorda oblysynyń «Amangeldi» fraksııasy (Aızere Bekjan, Erdaýlet Tólebaı) ıelendi.
Qorytyndy synda tóreshilik etken Erbolat Muhamedjannyń aıtýynsha, zııatker, sózge sheshen jastardyń pikirin ashyq bildirýine múmkindik berý kerek.
– Ereksheligi sol, doda jyl saıyn elimizdiń ár óńirinde ótedi. Bul ár aımaqta pikirsaıystyń damýyna serpin beredi. Osyndaı týrnır kóp bolyp, odan ári ilgeriletýge atsalysý qajet. Bolashaq myqty saıasatkerlerdi, kadrlardy qalyptastyrýda pikirsaıystyń mańyzy zor. Sondyqtan tek «Amanat» partııasy ǵana emes, basqa da partııalar kúsh jumyldyryp, yqpal etýi kerek, – dedi ol.
Sondaı-aq Jastar qanaty əzirlegen «Úzdik spıker» atalymyna Temirlan Esenov pen Jaqsylyk Bekhan, al «Úzdik tóreshi» ataǵyna Arhat Sarsenbaev pen Aıjan Orynbasar laıyq dep tanyldy.
– Pikirsaıys óte tartysty ótti. Osyǵan deıin ózge óńirlerde ótken týrnırlerge qatystym, bıyl, mine, kýbokti ıelený buıyrdy. Joǵary uıymdastyrýshylyq deńgeı men ádil tóreshilik úshin «Jastar rýhy» jáne Ulttyq pikirsaıys federasııasyna alǵysymdy bildiremin. Shyn myqtylar sóz talastyrǵan qyzyqty týrnırge kýá boldyq. Sózge sheshen, táýelsiz pikiri qalyptasqan jastar qatary kóbeıe bersin, – dedi T.Esenov.