Búginde Sıfrlyq tehnologııalardyń kómegimen jetildirilgen onlaın kýrstar pedagogıkalyq qýatty quralǵa aınaldy. Ýaqyt pen oryn tańdamastan, kásibı quzirettilikti únemi jetildirip otyrýǵa múmkindik beretin kýrstarǵa kez kelgen qurylǵydan kirip oqı berýge bolady, dep jazady Egemen.kz.
Ál-Farabı atyndaǵy Qazaq ulttyq ýnıversıteti jýrnalıstıka fakýltetiniń ǵalymdary Qazaqstanda tuńǵysh ret EdApp platformasynda mobıldik qosymshaǵa arnalǵan «О́ńir – Orta Azııa: kóshi-qon máseleleri boıynsha jýrnalıstik bilim berý» atty Qazaqstan, Qyrǵyzstan, Tájikstan jáne О́zbekstan elderiniń tájirıbesine negizdelgen bes tildegi mýltılıngvaldyq onlaın-kýrs ázirlep, iske qosty. Jobany IýNESKO-nyń Kommýnıkasııany damytý halyqaralyq baǵdarlamasy qoldady. Mýltımedııalyq tehnologııa múmkindikterin paıdalana otyryp jasalǵan kýrs Orta Azııadaǵy Jýrnalıstik bilim berý platformasyn damytýǵa eleýli úles qosady.
IýNESKO-nyń jýrnalıstik bilim berý serııasynyń «Mıgranttar men bosqyndar týraly reportajdar» oqý quralyna negizdelgen praktıkalyq kýrstyń quramy BAQ-ta kóshi-qon máselelerin jazýdyń barlyq modýlderi men elementterin qamtıdy. Kýrs kóshi-qondy saýatty jazý mashyǵyn qalyptastyrady, sondyqtan, stýdenttermen birge, osy salada qalam terbep júrgen jýrnalısterge de arnalǵan. Tyńdaýshylar kýrsty kez kelgen mobıldik qurylǵydan kirip, vırtýaldy anıme keıipkerlermen birge oqyp, sheberlikterin shyńdaı alady. Onlaın kýrs oıynǵa, qyzyqty oqıǵalarǵa negizdelgen tapsyrmalarǵa, kóshi-qon salasyndaǵy mysaldarǵa, keńesterge toly tanymdyq baı materıaldarmen, foto, vıdeo, grafık, derekkózderge siltemelermen tolyqtyrylǵan.
Osydan bir jyl buryn, kýrstyń starttyq kezdesýine Orta Azııanyń 42 ýnıversıteti, BUU, IýNESKO halyqaralyq uıymdarynyń ókilderi men 25 medıaındýstrııa ókilderi qatysyp, jýrnalıstik bilim berý baǵdarlamalarynyń sapasy men qashyqtan oqytý resýrstaryn arttyrý, jýrnalıstıka oqytýshylarynyń áleýetin kóterý, Orta Azııadaǵy kóshi-qon máseleleriniń jazylýy men jýrnalıstik bilim berý platformasynyń bolashaǵyn talqylaǵan edi. Jobanyń jumys toby (fılol.ǵ.d. N. Shyńǵysova, fılol.ǵ.kandıtattary E. Dýdınova, A. Rojkov, M. Negizbaeva, PhD A.Skrıpnıkova) bir jyl boıy halyqaralyq jáne ortaazııalyq keıster men resýrstardy zerttep, kóshi-qonnyń BAQ-ta jazylýyn halyqaralyq standarttamen salystyrmaly túrde saraptap, ashyq bilim berý resýrstarynyń qaǵıdalary men nusqaýlyqtaryn zerdeledi. Kýrstar sarapshylar synaǵynan sátti ótti.
Onlaın kýrs iske qosylǵan kezdesýde kýrsty oqyp, testen ótkizgen Qazaqstan, Qyrǵyzstan, О́zbekstan elderiniń JOO ókilderi, jýrnalıster men stýdentter ınnovasııalyq, ınklıýzıvti kýrs týraly jaǵymdy pikirlerin ortaǵa saldy.
Mýltımedıa men anımasııanyń kómegimen jasalǵan aqysyz onlaın kýrsty tıimdi aıaqtaǵan tyńdaýshylarǵa sertıfıkat beriledi.
Qazirgi tańda open.kaznu.kz platformasynda jýrnalıstıka salasy boıynsha segiz JAOK bar, sonyń tórteýin «MedıaTDM» jobasynyń jumys toby ázirlegen, bul kýrstar da IýNESKO-nyń resýrstaryna negizdelgen, platformaǵa segiz tilge aýdarylǵan mýltılıngvıstıkalyq oqý quraly da ornalastyryldy. Búginde bul kýrstardy tek stýdentter ǵana emes, jýrnalıster, blogerler, baspasóz qyzmetiniń mamandary da oqyp, sertıfıkat ıemdendi. AQSh, Norvegııa, Qyrǵyzstan, О́zbekstan elderinen de tyńdaýshylar bar.
Atalǵan onlaın kýrstar Qazaqstandaǵy ashyq bilim berý ulttyq platformasyn damytýǵa eleýli úles qosady.
Nazgúl Shyńǵysova
О́ńir – Orta Azııa: kóshi-qon máseleleri
boıynsha jýrnalıstik bilim berý»
Jobasynyń jetekshisi
Ál-Farabı atyndaǵy QazUÝ