Respýblıka kúni saǵat 14:00-den bastap elordanyń bes aýdanynda shyǵarmashylyq ujymdar men oryndaýshylardyń qatysýymen konserttik baǵdarlamalar ótti, dep habarlaıdy Egemen.kz Astana ákimdiginiń resmı saıtyna silteme jasap.
Almaty aýdanyndaǵy "Internasıonalnyı" turǵyn alabynda tanymal qazaqstandyq kompozısııalardy oryndaǵan "Jastar" teatrynyń ártisteri óner kórsetti.
Baıqońyr aýdany "О́ndiris” turǵyn alabyndaǵy alańda Qýyrshaq teatrynyń konserttik baǵdarlamasy uıymdastyryldy, onyń keıipkerleri halyq ertegileri men súıikti mýltfılmderiniń keıipkerleri boldy.
Esil aýdanyndaǵy "Báıterek" monýmentiniń aldyndaǵy alańda kórermen úshin E. Rahmadıev atyndaǵy Memlekettik akademııalyq fılarmonııasy men Elordalyq sırk ártisteri óner kórsetti. Sırk ártisteri túrli-tústi akrobatıkalyq trıýkterdi, jonglerlik jáne fokýstardy kórsetti.
Saryarqa aýdanyndaǵy qalalyq alańda "Joshy" etno-folklorlyq ansambli óner kórsetip, halyq aspaptarynyń súıemeldeýimen qazaq folklorynyń úzdik úlgilerin usyndy.
Nura aýdanyndaǵy Ortalyq saıabaq aýmaǵynda "Naz" memlekettik bı teatrynyń ártisteri kórermen aldynda zamanaýı jáne dástúrli bı nómirleriniń baǵdarlamasymen óner kórsetti.
Esterińizge sala keteıik, Respýblıka kúnine oraı Astanada 100-den astam mádenı-buqaralyq, bilim berý, sporttyq jáne áleýmettik is-sharalar, sonyń ishinde merekelik konsertter, kórmeler, dóńgelek ústelder, ulttyq sport túrleri boıynsha týrnırler jáne t.b. ótkizildi.
Is-sharalar ortalyq alańdar men iri nysandarda, sondaı-aq turǵyn alaptardyń aýmaqtarynda, bilim berý uıymdarynda jáne t. b. ótkizildi.
Respýblıka kúni qarsańynda halyqtyń áleýmettik osal toptaryna 1 myńnan astam azyq-túlik sebeti taratyldy.
Sondaı-aq keshe saǵat 21:00-de Trıatlon saıabaǵynyń aýmaǵynda merekelik otshashý ótti.