Kókshetaýda polıseıler eki dropperdi qolǵa túsirdi, dep habarlaıdy Egemen.kz tilshisi Polisia.kz saıtyna silteme jasap.
18 jastaǵy jigitter úsh aqmolalyq zeınetkerden 6 mıllıon teńgeden astam aqsha alǵan. Kókshetaýdyń úsh turǵyny telefon alaıaqtarynyń qurbany boldy.
«22 jáne 23 qazanda zeınetkerlerdiń telefondaryna birdeı aqparatpen qońyraýlar tústi. Belgisiz abonentter ózderin quqyq qorǵaý organdarynyń qyzmetkerleri retinde tanystyryp, nemereleriniń jol-kólik oqıǵalaryna tap bolǵanyn habarlady. Alaıaqtar máseleni aqshanyń kómegimen sheshýdi usyndy jáne zeınetkerlerdi aldap, sońǵy jınaqtaryn alyp qoıǵan», delingen habarlamada.
Zeınetkerlerden aqshalaı qarajatty Ońtústik astanadan Kókshetaýǵa kelgen 18 jastaǵy eki kýrer alǵan. Polısııa dropperlerdi dereý anyqtap, izin sýytpaı ustaǵan.
Jastardyń aıtýynsha, olarǵa jeńil tabys telegramm qosymshasynda usynylǵan. Kýrerdiń jumysyna ne kiretinin túsine otyryp, jastar kýratorlardyń nusqaýy boıynsha Kókshetaýǵa kelgen. Eki kún ishinde olar úsh mekenjaıdy aınalyp ótip, qoryqqan zeınetkerlerden aqshalaryn alǵan. Olar qolma-qol aqshany jumys berýshi kórsetken shottarǵa aýdardy. Qazirgi ýaqytta barlyq úsh fakt boıynsha sotqa deıingi tergeý júrgizilip jatyr.
Olar ustalyp, jaýap alynyp jatyr. Qajetti tergeý áreketteri júrgizilip jatyr.