Aýqymdy mýltılokasııalyq hakaton

Mazmundy is-shara barysynda elimizdiń 17 óńirinen kelgen 2500-den astam qatysý­shy jasandy ıntellekt, blokcheın, oıyndardy ázirleý jáne «Telegram mini-apps» sekildi negizgi tehnologııalyq baǵyt­tarǵa arnalǵan ınnova­sııalyq ázirlemelerin usyndy. Bir jaǵy­nan, mundaı jıyn elimizdiń ozyq tehnologııalar salasyn­da­­ǵy aımaqtyq kóshbasshy re­tindegi ustanymyn nyǵaıta túsedi. Sondaı-aq bul – elimizdiń ja­sandy ıntellektini damytý tujyrymdamasy aıasynda iske asatyn «Generative Nation» qoz­ǵalysynyń bir bóligi. Sonyń sheńberinde jasandy zerde tehnologııalaryn odan ári damytatyn «AI Movement» bastamasy júzege asyp otyr.

Byltyrǵy is-sharaǵa 12 óńir­den 1500-den asa qatysýshy kelip, úlken tabysqa qol jetkizgen edi. Bul otandyq ázirleýshilerdiń zor áleýetin kórsetti. Bıyl onyń aıasy keńeıip, barlyq 17 óńirdi qamtydy.

Saltanatty is-sharanyń ashy­­­lýynda Sıfrlyq damý, ınno­vasııalar jáne aeroǵarysh ónerkásibi mınıstri Jaslan Mádıev jasandy ıntellektini da­mytý aıasynda iske asyp jat­qan bastamalar týraly aıtty.

«Generative Nation» qozǵa­ly­sy búkil eldi qamtıtyn AI-trans­formasııany iske asyrýǵa baǵyttalǵan. Buǵan ár óńirdiń qatysýy mańyzdy. Sondaı-aq «Decentrathon» – elimizdiń barlyq aımaǵyn qosatyn alǵashqy IT is-shara. Bul – jasandy ıntellekt pen sıfrlyq tehnologııalar sala­syndaǵy elimizdiń kósh­bas­shy­lyǵyn nyǵaıtýǵa jasal­ǵan qadam», dedi ol.

Sonymen qatar is-shara aıasynda atalǵan mınıstrlik «Blockchain and AI Technology Center-pen» birlesip «Decen­trathon-ǵa» qaty­satyn ınjenerler men elimizdiń IT túlekterine arnalǵan tórt aptalyq tegin «AI-driven» mańsap býtkempin iske qosatynyn jarııalady. Onda praktıkalyq sheberlik synyptar men jetekshi tehnologııalyq kompanııa ókil­de­rimen kezdesýler ótip, qatysý­shy­lar qandaı daǵdylardy damytý kerektigin úırenedi. Bir sóz­ben aıtqanda, osyndaı is-shara eli­miz­diń tehnologııalyq óndi­ris sa­la­syndaǵy adamı kapıtal­dy aıtar­lyq­taı nyǵaıtýǵa kómektesedi.