Ishki ister mınıstrliginiń ekstremızmge qarsy is-qımyl jónindegi bólimi men Ulttyq qaýipsizdik komıteti Túrkistan oblysy, Kentaý qalasynda «Hızb-ýt-Tahrır» dinı radıkaldy uıymynyń ustanymdaryn nasıhattaǵan topty ustady, dep jazady Egemen.kz.
Bul uıymnyń ıdeologııasy eldegi zaıyrly konstıtýsııalyq qurylymdy qulatyp, «sharıǵat» normalaryn engizýge baǵyttalǵan.
Jedel-izdestirý sharalary barysynda 10 adam ustalǵan. Olardyń «Hızb-ýt-Tahrır» sheteldik radıkaldy ýaǵyzshylarynyń dáristerin alý, taratý úshin ınternet-resýrstardy paıdalanǵany anyqtaldy.
Kúdiktilerdiń turǵylyqty jerlerin tintý kezinde dinı-ekstremıstik ádebıetter men basqa da zattaı aıǵaqtar tárkilengen.