Oblystyq Tótenshe jaǵdaılar departamentiniń málimetinshe, búgin 15 ǵımarat, onyń ishinde aýrýhanalar, mektepter, jeke jáne kópqabatty úıler, sondaı-aq meshit pen aýyl ákimdigi shatyrsyz qalǵan, dep habarlaıdy Egemen.kz.
Qutqarýshylar búgin oblysta jeldiń ekpini sekýndyna 28 metrge jetkenin atap ótti.
Pavlodarda qatty jelden Torgovaıa kóshesindegi qoıma ǵımaraty men qala irgesindegi Jańaaýyl aýylyndaǵy jeke turǵyn úıdiń shatyry ushyp ketken.
«Ekibastuz qalasy men onyń aýyldyq aımaǵynda 4 fakti tirkeldi: Shidertide kópqabatty turǵyn úıdiń 30 sharshy metr shatyrynyń, sonymen qatar Shiderti orta mektebiniń 5 sharshy metr qatty shatyrynyń jartylaı qıraýy; Qulakól aýylyndaǵy jeke turǵyn úıdiń 6 sharshy metr shatyryn julyp áketken. Sondaı-aq qatty jeldiń saldarynan atyndaǵy Q.Sátbaev aýylyndaǵy Shıkildaq kentindegi mekteptiń 40 sharshy metr aýmaqta jylý qazandyǵynyń shatyry», dep habarlady Pavlodar oblysynyń Tótenshe jaǵdaılar departamenti.
Sondaı-aq Aqsý qalasynda ǵımarattardyń zaqymdanýy boıynsha 4 oqıǵa tirkelgen. Qalalyq №2 jasóspirimder sport mektebinde 160 sharshy metr aýmaqtyń shatyry julynyp, transformatorlyq qosalqy stansa shatyrsyz qalǵan.
«Aqtoǵaı, Baıanaýyl, Maı, Ertis, Sharbaqty, Ýspen aýdandarynda, sondaı-aq Aqýly aýdany men Aqsý qalasynda 28 ret elektr energııasy úzildi», dep habarlady oblystyń Tótenshe jaǵdaılar departamenti.