BUU klımattyń ózgerýi jónindegi 29-shy konferensııasy aıasynda Qasym-Jomart Toqaev Gvıneıa-Bısaý Prezıdenti Ýmarý Sısoký Embalomen kezdesý ótkizdi, dep habarlaıdy Egemen.kz Aqorda baspasóz qyzmetine silteme jasap.
Prezıdent Gvıneıa-Bısaý elin Qazaqstannyń Afrıka qurlyǵyndaǵy mańyzdy seriktesteriniń biri retinde atap ótip, eki el arasyndaǵy dostyq baılanys pen ózara tıimdi yntymaqtastyqty nyǵaıtýǵa beıil ekenin rastady.
Qasym-Jomart Toqaevtyń aıtýynsha, Qazaqstan – ashyq ári beıbit saıasat ustanatyn jáne aımaqtaǵy eń iri ekonomıkasy bar el. Sondaı-aq ol qos memlekettiń arasyndaǵy seriktestiktiń perspektıvasy mol dep sanaıdy.
Memleket basshysynyń pikirinshe, Qazaqstan men Gvıneıa-Bısaý geografııalyq turǵydan qashyq ornalasqanyna qaramastan, aýyl sharýashylyǵy, logıstıka jáne aqparattyq-kommýnıkasııalyq tehnologııa salalarynda yqpaldastyqty damytýǵa múmkindigi bar.
О́z kezeginde Ýmarý Sısoký Embalo ekijaqty qarym-qatynastyń áleýetin talqylaýǵa múmkindik jasaǵany úshin Qazaqstan Prezıdentine alǵys aıtty.
Kezdesý sońynda Qasym-Jomart Toqaev Ýmarý Sısoký Embalony ózine qolaıly ýaqytta Qazaqstanǵa resmı saparmen kelýge shaqyrdy.