Astana qalasyndaǵy jeke turǵyn úıden órt shyǵyp, tórt bala qaza tapty. Jalyn sóndirildi. Bul týraly qalalyq Tótenshe jaǵdaılar departamentiniń baspasóz qyzmeti habarlady, dep jazady Egemen.kz.
«Búgin tańerteń Astanada eki qabatty jeke turǵyn úıde shatyr jartylaı qulap, órt boldy. Qutqarýshylar habarlama kelip túskennen keıin oqıǵa ornyna 6 mınýtta jetti. Alaý aldyn ala 500 sharshy metr alańda oqshaýlanyp, tolyǵymen sóndirildi. О́rt saldarynan 2011, 2015, 2021 jáne 2022 jyly týǵan tórt bala qaza tapty», delingen habarlamada.
Qazir órttiń sebebi anyqtalýda. Sot-medısınalyq saraptama taǵaıyndaldy.
«Oqıǵa ornynda órt zertteý zerthanasy jumys isteýde, qaza tapqandardyń jaqyndaryna Apattar medısınasy ortalyǵynyń jáne Astana qalasy TJD psıhologtary kómek kórsetip jatyr», dedi tótenshe jaǵdaılar departamenti ókilderi.