Qalanyń jer asty jylý jelisinde apat bolǵan. Saldarynan 8 turǵyn úı, mektep jáne sport zaly jylýsyz qaldy, dep habarlaıdy Egemen.kz.
Jylý-energetıka mekemesiniń málimetinshe, apat Borodın № 221A kóshesindegi dıametri 150 mm qubyrda bolǵan.
«Qaladaǵy № 5 jalpy bilim beretin mektep, AÁD sport zaly jáne 8 KJO jylýsyz qaldy. Apatty jaǵdaı 20:00-ge deıin joıylady», dep habarlady baspasóz qyzmeti.
Buǵan deıin apat saldarynan birneshe turǵyn úı jylýsyz qalǵan edi. Bir kún buryn Rýdnyıdaǵy jylý trassasynda eki ret kommýnaldyq apat boldy, 200-ge jýyq abonent jylýsyz qalǵan.