Belgili áýesqoı veloshabandoz Ernat Rahmetolla aty ańyzǵa aınalǵan taekvondoshy Mustafa О́ztúriktiń týǵanyna 70 jyl tolýyna oraı velosherý ótkizdi. Velosherýdiń maqsaty - dara tulǵa Mustafa Kábenuly О́ztúrikti eske alý, rýhyna taǵzym etý, ónegeli ómiri men eńbegin dáripteýge úles qosý.
42 jastaǵy áýesqoı sportshy sóre úshin Báıterek monýmentin tańdaǵan. Ernat Rahmetollany otbasy men jaqyndary, sondaı-aq belgili Abaıtanýshy Asan Omarov aq batasymen shyǵaryp saldy.
Ernat Rahmetolla elordanyń yzǵarly qysyna qaramaı jalǵyz ózi 5 saǵatta 70 shaqyrymdy júrip ótti. Sherý Baıterek monýmentinen bastalyp, Túrkistan kóshesi > Dostyq kóshesi > Qabanbaı batyr dańǵyly > Anadoly (burynǵy 28/1) kóshesi > Qabanbaı batyr dańǵyly > Qarqaraly tas joly > Qabanbaı batyr kesenesi boıymen jalǵasyp, qaıta Báıterek monýmenti aldynan aıaqtaldy.
Márege oıdaǵydaı jetken velomarafonshy joldyń jaqsy bolǵanyn, sondaı-aq bir ret qulap qalǵanyn tilge tıek etti. Sonymen qatar Mustafa О́ztúriktiń eńbegin dáriptep, osyndaı ıgi is jasaǵan velosportshynyń ıyǵyna aqtoǵaılyqtar shapan jaýyp, estelikke syılyq tartý etti.
«Jastarǵa qar, muz, yzǵarda velosıpedpen júrý arqyly adamnyń múmkindikterin kórsetý, tózim, shydam, salaýatty ómir salty, tabandylyq, ystyq qaıratty nasıhattaý, úlgi etý. Qazaq pen Túrikke ortaq ul Mustafa О́ztúrik arqyly Qazaqstan men Túrkııanyń baýyrlastyǵyn, dostyǵyn nasıhattaý. Olardy otansúıgishtikke, el úshin eren eńbek etýge, qaısar bolýǵa úndeý», deıdi E.Rahmetolla.
Aıta keteıik, veloshabandoz buǵan deıin respýblıkalyq jáne halyqaralyq deńgeıde 14 velosherý ótkizgen.