ASTANA. 30 sáýir. Qazaqstan Prezıdenti el aldyna qoıylǵan mindetterdi júzege asyrý baǵytyndaǵy jumystardy jalǵastyrýdyń mańyzdylyǵyn atap ótti. Osyǵan baılanysty, Memleket basshysy bes ınstıtýsıonaldyq reformany júzege asyrý maqsatynda Jańǵyrtý jónindegi ulttyq komıssııa qurý týraly Jarlyqqa qol qoıylǵanyn málimdedi. Bul týraly akorda.kz habarlady.
Komıssııany Premer-Mınıstr Kárim Másimov basqarady, orynbasary Prezıdent Ákimshiliginiń basshysy Nurlan Nyǵmatýlın bolady.
Kásibı memlekettik apparat qurý jónindegi jumys tobyn Prezıdenttiń kómekshisi Erbol Orynbaev, zań ústemdigin qamtamasyz etý jónindegi jumys tobyn Prezıdent Ákimshiligi basshysynyń orynbasary Talǵat Donaqov, ekonomıka máseleleri jónindegi jumys tobyn Ulttyq ekonomıka mınıstri Erbolat Dosaev, birtektilik jáne birlik jónindegi jumys tobyn Prezıdent Ákimshiligi basshysynyń orynbasary Baǵlan Maılybaev, esep beretin memleket qalyptastyrý jónindegi jumys tobyn Parlament Májilisi tóraǵasynyń orynbasary Darıǵa Nazarbaeva basqarady. Onyń orynbasary qyzmetin Asqar Beısenbaev atqarady.
Sondaı-aq, komıssııa quramyna sheteldik konsýltant retinde «Nazarbaev ýnıversıteti» ABU prezıdenti Shıgeo Katsý kirdi.
Memleket basshysy Úkimet quramy saqtalatynyn aıtty. «Olardyń bári osy quramda yntymaqpen jumys istedi, qoıylǵan mindetterdi oryndaı aldy. Men eshqaısysyn da almastyrý qajettigin kórip turǵan joqpyn, sondyqtan jumystaryn jalǵastyratyn bolady», – dedi Qazaqstan Prezıdenti.
Elaman Qońyr.
Derek, sýret: akorda.kz.