Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa otyrysy ótti. Jıynda áıel tergeýshilerdiń áıelder men balalarǵa qatysty zorlyq-zombylyq qylmystaryn tergeýge mamandanýy jáne áıelderdi zorlyq-zombylyqtan qorǵaý jónindegi Ishki ister organdary bólimsheleriniń qyzmeti talqylandy.
IIM-niń áıelderdi zorlyq-zombylyqtan qorǵaý jónindegi bólimsheleri bıyl 16 myń zań buzýshylyqtyń jolyn kesti. Sondaı-aq kıkiljiń shyǵarǵan 91 myń azamat ákimshilik jaýapkershilikke tartylyp, onyń ishinde 24 myńy qamaýǵa alynǵan. Bul ótken jylmen salystyrǵanda 2,5 ese joǵary.
– Prezıdent ana men bala múddesin qorǵaý máselelerine erekshe nazar aýdarady. Bul – memlekettiń strategııalyq mindeti. Bıyl Ulttyq komıssııa «Zań men tártip» qaǵıdatyn qatań saqtaýdy qamtamasyz etý baǵytyna basymdyq beredi. Áıelder men balalarǵa qatysty qylmystardy tergeý júıesin jetildirý máselesi – ulttyq komıssııanyń turaqty baqylaýynda. Bizdiń mindetimiz – tergeýshi áıelderdiń áleýetin paıdalana otyryp, áıelder men balalardyń qaýipsizdigin qamtamasyz etý týraly zańnyń oryndalýyn baqylaý jáne ony tolyq qamtamasyz etý, – dedi Ulttyq komıssııa tóraǵasy Aıda Balaeva.
Áıelder men kámeletke tolmaǵandarǵa qatysty zorlyq-zombylyq qylmystaryn tergeýmen 261 áıel-tergeýshi aınalysady. Qurylǵan mobıldi toptar mekenjaıy boıynsha 33 myńnan asa otbasyn qarap, kómekke muqtaj 1 myńnan asa otbasyn anyqtady.
Toptardyń tıimdi jumys isteýi úshin qyzmettiń uıymdastyrýshylyq negizderi, onyń ishinde áıel tergeýshilerdiń osy qylmystyq isterdi aıryqsha tergeýi týraly talaptary aıqyndalǵan qaǵıdalar ázirlenip, bekitildi.
Ulttyq komıssııa «Samuryq-Qazynamen» birlese «Bir qadam» «One-Stop-Service» qanatqaqty jobasyna bastamashylyq jasady. Jobany Aıman Omarova basqarady. Bastama aıasynda bıyl 46-dan asa qylmystyq is qaralǵan. Basym kópshiligi balalarǵa qatysty jynystyq zorlyq-zombylyqqa qatysty. О́tinish bildirgen 669 áıelder men balalar shuǵyl quqyqtyq, psıhologııalyq jáne saraptamalyq kómek aldy.
Jalpy, joba sheńberinde kámeletke tolmaǵandardy jábirleý, qýdalaý, qorqytý, túrmedegi zorlyq-zombylyq, turmystyq zorlyq-zombylyq saldarynan bolǵan kisi ólimi faktilerine qatysty qylmystyq ister qozǵalǵan.
Ulttyq komıssııa áıelder men balalardyń quqyqtaryn qorǵaý salasyndaǵy quqyq qoldaný praktıkasyn qadaǵalaýdy jalǵastyrady. Bul jumystyń tıimdiligi quqyq qorǵaý organdarynyń, qoǵamdyq uıymdardyń jáne azamattardyń jumylýy arqyly nátıjeli bolmaq.
Otyrys qorytyndysy boıynsha komıssııa tóraǵasy A.Balaeva memlekettik organdarǵa birqatar tapsyrma berdi.