Astana polısııa departamenti ekstremızmge qarsy is-qımyl basqarmasynyń qyzmetkerleri «Ýchaske» jedel-aldyn alý is-sharasy barysynda halyqaralyq izdeýde júrgen Tájikstan azamatyn ustady, dep habarlaıdy Egemen.kz.
Belgili bolǵandaı, osydan eki jyl buryn 34 jastaǵy er adam Tájikstanda toıda júrgende qonaqtardyń birimen janjaldasyp, ony jaraqattap, mert qylǵan.
Er adamnyń probasııalyq baqylaýda bolǵany, biraq 2023 jyly elden ketkeni anyqtalǵan. Osy jyldyń qarasha aıynda oǵan halyqaralyq izdeý jarııalanǵan bolatyn. Osydan keıin polıseıler ony Qazaqstan astanasyndaǵy saýda ortalyqtarynyń birinen taýyp, ustaǵan.
«Qazirgi ýaqytta ustalǵan adam ýaqytsha ustaý ızolıatoryna qamaldy, onda ekstradısııalaý týraly sheshim qabyldanǵanǵa deıin bolady. Keıinnen ol Tájikstannyń qylmystyq izdestirý organdaryna beriletin bolady», dep habarlady Astana qalasy polısııa departamentiniń baspasóz qyzmeti.