Qazaqstandaǵy Italııanyń tótenshe jáne ókiletti elshisi Marko Albertı «Born Bold. Travel Boldcast» podkastynda Qazaqstandaǵy saıahattary týraly óz áserlerimen bólisti. Dıplomat elimizdegi eń súıikti úsh týrıstik baǵytty «Kazakh Tourism» AQ Basqarma tóraǵasy Qaırat Sádýaqasovpen suhbat kezinde atady, dep habarlaıdy Egemen.kz.
Elshi Qazaqstandaǵy Mańǵystaý, Almaty oblysyndaǵy kólder (onyń ishinde Kólsaı, Qaıyńdy, úlken Almaty kóli) jáne Shyǵys Qazaqstandaǵy Altaı taýlaryn óziniń eń súıikti týrıstik baǵyttary dep atady. Dıplomat úshin Shyǵys Qazaqstanǵa saıahaty eń jarqyn ári este qalarlyq saparlardyń biri bolǵan.
«Shyǵys Qazaqstanǵa - sapar taýlarǵa jasaǵan eń jaqsy saıahattardyń biri. Tabıǵatpen naǵyz baılanys tájirıbesi – óte sırek kezdesetin nárse. Shynaıy tynyshtyq pen qarańǵylyq tájirıbesi. Italııadan tabý óte qıyn. Men balalarymdy kanonǵa alyp bardym. Biz jańa qonaqúıde túnedik, keıin birneshe saǵat boıy dalada bolyp, aspandy tamashaladyq. Kanon ortasynda juldyzdy aspandy kórý - erekshe tájirıbe», dedi Marko Albertı.