Qarjy pıramıdalary 20 mlrd teńge shyǵynǵa batyrdy

Bul týraly QMA men Ǵylym jáne joǵa­ry bilim mınıs­trligimen birlesip elimiz­diń 100-den astam joǵary oqý oryndary úshin uıymdastyryl­ǵan quqyqtyq mádenıet jáne qarjylyq saýattylyqty arttyrý jónindegi vebınar barysynda belgili boldy. Shara «Tártipti ózińnen basta!» estafetasy aıasynda ótkizildi.

Agenttikte alaıaqtyq joba­l­ar­dyń ómirlik sıklin jáne olarǵa tartylǵan salymshylar sanyn qysqartýǵa baǵyttalǵan «Qarjy pıramıdalaryna qarsy is-qımyl» arnaıy jobasy engizildi. Jyl basynan beri ınternet keńistiginde 47 qarjy pıramıdasy anyqtalypty. Olarǵa qatysty áleýmettik jeli­lerde 300-ge jýyq chat jabyl­ǵan. Shamamen 2 mln-ǵa jýyq qatysýshy – áleýetti salymshy bolǵan.

Osy jyly áleýmettik jeli­lerdi taldaý nátıjesinde qarjy pıramıdasy belgileri bar saıt­tarǵa 11,7 myńnan astam silteme buǵattalǵan.

Jalpy, mynadaı belgileri bar kompanııalarǵa tolyqqandy kúmánmen qaraýǵa bolady:

Táýekeldersiz jáne kúsh-jigersiz joǵary tabysty ýáde etse; Jańa klıentterdi mindetti túrde tarta bastasa; Internette belsendi jarnama jasasa; Kompanııa elimizde tirkel­me­se nemese jaqyn arada tir­kelse; Qandaı da bir zańdyq súıe­meldeý bolmasa (sharttyń bolmaýy nemese taraptardyń mindettemelerinsiz jasalýy); Salymdardy qolma-qol aqshamen, krıptovalıýta arqyly nemese bankter qatyspaıtyn tólem júıeleri arqyly qabyl­daǵysy kelse.

Agenttikte qarjy pıramı­dalarynyń belgilerin tekserý­ge múmkindik beretin «Baiqa, pira­mida!» Telegram-boty iske qo­sýly. Eger siz nemese jaqyn­daryńyz qarjy pıra­mıdasynyń áreketine tap bolsańyz, turǵylyqty je­rińiz boıynsha Ekonomıkalyq tergep-tekserý departamentine júgingenińiz jón bolady.