Almaty oblysy boıynsha Memlekettik kirister departamenti, Almaty oblysynyń Ákimshilik polısııasy men Ádilet departamentiniń qyzmetkerleri jáne Jeke sot oryndaýshylary 10-jeltoqsannan bastap «Boryshker» baǵdarlamasy boıynsha kólik quraldary salyǵyna jáne aıyppulǵa bereshegi bar jeke tulǵalarǵa oblys boıynsha reıd júrgize bastady, dep habarlaıdy Egemen.kz.
10-11 jeltoqsan kúngi reıd kezinde 32 jeke tulǵaǵa 2 145 155 teńge kólik salyǵyn tóletip, kólik quraldary salyǵyna 1,2 mln teńge bereshegi bar 2 jeke tulǵanyń jeńil kólikteri aıyp turaǵyna qoıyldy. Sonymen qatar 1 jeke tulǵaǵa 624 165 myń teńge aıyppulyn tóletip, aıypulǵa bereshek somasy 6 mln teńgeden astam 5 jeńil kólik aıyp turaǵyna qoıyldy, onyń ishinde, BMV kóliginiń bereshegi 5 mln teńge bolsa, Alfard kóliginiń 466 myń teńgeden astam aıyppulǵa bereshegi bar.
Jalpy alǵanda Almaty oblysy boıynsha, 115 754 jeke tulǵalardyń kólik quraldary salyǵyna bereshegi 1 865,5 mln teńge, ósimpul 1 038,7 mln teńge.
Kólik salyǵy boıynsha eń kóp bereshek 3 aýdanda, Qarasaı aýdanynda 31 389
jeke tulǵalardyń bereshek somasy 861 378 myń teńge, Talǵar aýdanynda 24 143 jeke tulǵalardyń bereshek somasy 611 724 myń teńge, Ile aýdanynda 38 692 jeke tulǵalardyń bereshek somasy 595 878 myń teńge.