Búgin elorda ákimdigi tyl ardageri, Baıqońyr aýdanynyń turǵyny Anna Grıgorevnany 100 jasqa tolǵan mereıtoıymen quttyqtady, dep habarlaıdy Egemen.kz.
Anna Grıgorevna 1924 jyly 10 jeltoqsanda Aqmola oblysy, Jaqsy aýdanyndaǵy Kalınıno aýylynda dúnıege kelgen. 2018 jyldan bastap Astanada turady.
15 jasynan bastap saýynshy bolyp jumys istegen. Aýyl sharýashylyǵy salasynda kóp jyldyq eńbegi úshin 17 medalmen marapattalǵan.
Ardaqty ana 50 jasynda kópbalaly ana retinde zeınetke shyqqan. Búgingi tańda 5 qyzy, 16 nemeresi jáne 42 shóberesi bar.