Jýyrda Soltústik Qazaqstan ýnıversıtetiniń dıalog alańynda elimizdiń agrosektory máselelerin sheshýdi talqylaǵan ǵylymı-tehnologııalyq sessııa (agrohakaton) bolyp ótti. Ony Ǵylym jáne joǵary bilim mınıstrligi, «Ǵylym qory» AQ jáne M.Qozybaev ýnıversıteti Soltústik jáne Ortalyq Qazaqstannyń agroónerkásiptik kesheni kásiporyndaryn damytý jónindegi ǵylymı-tehnologııalyq sessııa uıymdastyrdy.
Bıyl jetinshi ret ótip otyrǵan agrohakatonǵa Ortalyq jáne Soltústik Qazaqstan agroónerkásiptik kesheniniń 2025–2027 jyldardaǵy ǵylymı-tehnologııalyq damý máselesi kún tártibine qoıyldy. Shetelderden onyń jumysyna AQSh, Germanııa, QHR ǵalymdary qatysty. Ǵylym men óndiristiń baılanysyn arttyratyn mańyzdy sharada oblys ákimi Ǵaýez Nurmuhambetov, Aýyl sharýashylyǵy vıse-mınıstri Erbol Tasjúrekov, «Atameken Agro» AQ basqarma tóraǵasy Kıntal Islamov, t.b. qatysyp, sóz sóıledi.
Tártibi boıynsha uzaqqa sozylatyn hakatonda agrarlyq salanyń 65 ǵalymy, sharýashylyq basshylary men sarapshylar qaýymdastyǵynan 15 adam sóz aldy. «Germanııa qazaq-german arasyndaǵy halyqaralyq agrarlyq saıasat dıalogin 2009 jyldan beri qarjylandyryp keledi. Onyń basty maqsaty – agrarlyq salaǵa ǵylymı-tehnologııalyq jetistikterdi engizý. Sol úshin ǵylymı ortalyqtarmen, konsýltasııalyq organdarmen, sharýashylyqtarmen tyǵyz jumys istep jatyrmyz. Sonyń ishinde M.Qozybaev atyndaǵy Soltústik Qazaqstan ýnıversıtetimen de tyǵyz yntymaqtastyqtamyz», dedi Germanııa – Qazaqstan agrarlyq saıasat dıaloginiń basshysy Olga Hanger.
Agrohakatonǵa qatysqan Ǵylym jáne joǵary bilim vıse-mınıstri Darhan Ahmed-Zakı sózinde joǵary ǵylymı-tehnıkalyq komıssııada Premer-mınıstr O.Bektenov ǵylymı-tehnologııalyq sessııalar memlekettik mańyzy bar birshama túıindi sheshýge qol jetkizý úshin strategııalyq qural bolyp tabylatynyn aıtqanyn jetkizdi. «Birinshiden, olar ǵylymı-tehnıkalyq qyzmetti damytýdyń basym baǵyttaryn qalyptastyrýdyń jańa tetikterin ázirleýge kómektesedi. Ekinshiden, ǵylymı-tehnologııalyq sessııalar, ǵalymdar men óndirýshiler arasynda ınnovasııalyq sheshimderdi jasaý úshin birlesip jumys isteıtin alań quryp, ekonomıkanyń naqty suranystary men qajettilikterin tıimdi sheshýge múmkindik beredi. О́zara is-qımyldyń bul formaty ǵylym men bıznes arasyndaǵy kooperasııany jaqsartyp, jańa, eksportqa baǵdarlanǵan ónim óndirý úshin kommersııalandyrý jobalaryn ilgeriletýge yqpal etetini erekshe mańyzǵa ıe. Bul el ekonomıkasynyń halyqaralyq arenadaǵy básekege qabilettiligin nyǵaıtý úshin qajet», dedi D. Ahmed-Zakı.
M.Qozybaev ýnıversıtetiniń basqarma tóraǵasy Erbol Isaqaev ta hakatonǵa joǵary baǵa berdi. «О́ńirdiń salalyq erekshelikterin eskersek, bul – biz úshin óte mańyzdy oqıǵa. Qazirgi tańda aýyl sharýashylyǵynda joǵary tehnologııany engizý qarqyndy damyp keledi. О́z tehnologııalaryn, ónimdiligin jaqsartyp, sharýashylyq júrgizýdiń organıkalyq tásilderin qalyptastyrǵysy keletin kóptegen kásiporyn paıda boldy. Ǵylymsyz jáne jańa serpindi zertteýlersiz muny júzege asyrý múmkin emes ekeni málim. Sondyqtan búgingi mindet – aýyl sharýashylyǵy ónimderin óndirýmen tikeleı aınalysatyn kásiporyndardyń máselelerin anyqtap, ǵalymdarmen birlesip sheshimin tabý», dedi ol.
Sondaı-aq is-shara aıasynda qatysýshylar «Zenchenko ı K», «AVAGRO» jáne «Radýga» jaýapkershiligi shekteýli seriktestikterindegi sút zaýytynyń óndiristik alańyn aralady.
PETROPAVL