Elimizdiń soltústik qaqpasy, oblys ortalyǵy – Petropavl qalasy keıingi jyldary áleýmettik-ekonomıkalyq turǵyda qalypty damyp keledi. Qalada túrli nysandar, turǵyn úıler boı kóterdi, jańa alańdar ashyldy, kóne sáýlet keshenderi qaıta jańǵyrtyldy, kósheler, aýlalar jóndeldi.
Bıyl sý tasqyny Petropavldyń 2 485 úıin basty, al 1 873-i apatty dep tanyldy. Tasqyn zardaptaryn joıý maqsatynda birqatar ıgi is-sharalar atqaryldy. 1 174 páter «Qyzyljar asar» qorynyń kómegimen satyp alyndy. Úkimettiń uıymdastyrýymen 700 turǵyn úı jańa jerge salynyp, ol «Birlik» shaǵyn aýdany dep ataldy. Qurylys jumystaryn «Qazaqstan halqyna» qory, «Kaspı.kz», «QazMınerals menedjment» kompanııalary men «Qazaqmys» korporasııasy qarjylandyrdy. 7 455 adamǵa barlyǵy 2,7 mlrd kóleminde birrettik 100 AEK kómek, japa shekken 2 092 adamǵa 150 AEK kóleminde 1 mlrd 16 mln 134 myń teńge kóleminde járdemaqy berildi.
О́tken tamyz aıynan bastap sý shaıyp ketken Ýshev kóshesi men Teri zaýyty aralyǵyndaǵy, Bıoprýd aýmaǵyndaǵy 2 dambany qalpyna keltirý jumysy qolǵa alynǵan. Sonymen birge 2 núktedegi úıindini 7 metrge deıin ósirý úshin 1 mln tonna ınertti materıaldar úıildi.
Petropavl elimizdiń ónerkásipti qalalarynyń biri sanalady. 2024 jyldyń on aıynda ónerkásip óndirisiniń kólemi 373,8 mlrd teńgeni qurady. 2023 jylmen salystyrǵanda ósim 7,0% boldy. Negizgi kapıtalǵa salynǵan ınvestısııalar kólemi – 150,4 mlrd teńge, ósimi 14,1%-dy qurady. Bıylǵy 10 aıda qalada 100,1 myń sharshy metr turǵyn úı paıdalanýǵa berildi. Byltyrǵy jylmen salystyrǵanda ósim – 31,4%. Osy ýaqyttaǵy bólshek saýda kólemi 224,0 mlrd teńgeni qurady. 2023 jylmen salystyrǵanda ósim – 7,8 %.
Qurylys jumysynyń kólemi 55,7 mlrd teńgeni qurady. Jas О́rken, Kopaı, Bereke, Ortalyq, Orman shaǵyn aýdandaryndaǵy 32 qurylys alańynda 251,5 myń sharshy metr turǵyn úı qurylysy júrgizildi. Sonyń 100,1 myń sharshy metri 10 aıda paıdalanýǵa berildi.
Petropavl qalasy kósheleriniń jalpy uzyndyǵy 366 shaqyrym, sonyń 182 shaqyrymy áli kúnge asfalttalmaǵan. «Aldaǵy 5 jylda sonyń bárin asfalttaýdy josparlap otyrmyz. Bul turǵyndardyń ómir sapasyn arttyrady. Bıyl 32 kósheniń 28 shaqyrymdyq jolyn asfalttadyq. Oblys basshylyǵy bastamamyzdy qoldap, tıisti qarajat bólgizdi», deıdi Petropavl qalasynyń ákimi Serik Muhamedıev.
О́tken jylǵy qalyń qar Esildiń tasýyn týǵyzyp qana qoımaı, kúrt erip, qalanyń ortalyq dańǵyldarynyń biri Abaı kóshesindegi kárizdik sýaǵarlardy da bitep tastady. Sonyń kesirinen turǵyn úılerdiń jertólelerin sý alyp qaldy. Qala ákimdigi 2024 jyldyń 4 sáýirinen tabıǵı sıpattaǵy tótenshe jaǵdaı jarııalap, 2075 metr kárizdik kollektorǵa jóndeý júrgizildi. Búgingi tańda «Qyzyljar sý» JShS qalalyq kollektorlardyń qalypty jumys isteýin óz baqylaýyna alǵan.
Bıylǵy tasqynda qalaǵa sý kóteretin sorǵylardyń baǵandaryn alyp seńder qıratyp, isten shyǵardy. Qala sýsyz qalý qaýpin bastan keshirdi. Áıteýir balamaly kózderden sý alýǵa qalanyń barlyq qurylys kompanııalary tartylyp, turǵyndarǵa bir táýliktiń ishinde sý jetkizildi. Qazir Úkimettiń kómegimen sý stansasynyń jóndeý jumystary aıaqtalyp keledi.
Byltyr Jýkov kóshesindegi kárizdik kollektor bitelip qalyp, arnaýly ekonomıkalyq aımaqty sý basyp, biraz ábiger etti. Dıametri 500 mm bolatyn kárizdik qubyr ornatylyp, apat ýaqytynda eńserildi.
Qalanyń jylý taratý júıesindegi qubyrlary bıyl 7,5 shaqyrymǵa kúrdeli jáne aǵymdyq jóndeýlerden ótkizildi. Jańa shaǵyn aýdandarǵa da jylý jetkizetin júıeler tartyldy. Jylytý maýsymy 30 qyrkúıekten bastaldy, qaladaǵy 1 170 kópqabatty turǵyn úılerge tegis jylý berildi. Ázirge jylytý maýsymy qalypty jaǵdaıda ótip jatyr.
Bul derekterdi Petropavl qalasynyń ákimi Serik Muhamedıev jýrnalısterge bergen brıfıng barysynda málim etti. «Qalany qardan tazalýǵa 90 birlik tehnıka daıyndyq sapyna qoıylǵan. Sonymen birge kóktaıǵaqqa sebiletin 3,2 myń tekshe metr qumdy-tuzdy qospa da daıyn. Turǵyndar tarapynan qardyń ýaqtyly tazalanbaıtyny jóninde aryz-shaǵym barshylyq. Biz ony ońtaıly sheshý joldaryn qarastyryp jatyrmyz», dedi ákim.
Sonymen birge ákim kelesi jyly Qazaqstan Konstıtýsııasy kóshesin jańǵyrtýdy josparlap otyrǵandaryn aıtty. Jańa aıaldamalar týraly da óz oıyn bildirdi. Petropavl qalasyna bıyl 18 jyly aıaldama salý kózdelgen. Alaıda olardyń árqaısysynyń quny 8,5 mln teńge eken. Petropavlda bir bólmeli jaıly páterdiń quny sondaı. Osy oraıda turǵyndar onyń qymbat ekenine narazy.
PETROPAVL