Memleket basshysyna senim joǵary

QZSI zertteýine súıensek, Mem­leket basshysy Qasym-Jomart To­qaevqa halyqtyń 80,5 paıyzy senim bildirgen. Keıingi jyldary bul kórset­kish áleýmettik-ekonomıka­lyq qıyndyqqa qaramastan turaqty túrde joǵary bolyp otyr. «Bul aza­mattardyń kóshbasshyny jáne onyń sheshimderin qoldaýǵa daıyn ekenin kórsetedi», deıdi ınstıtýt sarapshylary.

Qarasha aıynda júrgizilgen saýal­namaǵa sáıkes qatysýshylardyń 77,7 paıyzy el basshylyǵynyń saıa­sı baǵytyn qoldaǵan. Sondaı-aq respon­dentterdiń 46 paıyzy azamattardy biriktiretin qundylyq retinde eldiń tólqujaty men azamattyǵyn ataǵan.

– Saýalnama derekteri kórsetken­deı, halyqtyń basym kópshiligi Qazaq­standy ulttyń azamattylyǵy, ıaǵnı tulǵanyń naqty memleketpen berik quqyqtyq baılanysy basym birtutas ult retinde qarastyrady. Osylaısha, ulttyq biregeılik Qazaqstannyń mádenı ártúrliliginiń biriktirýshi faktory bola otyryp, memlekettegi senim men yntymaqtastyqtyń ósýine yqpal etedi, – deıdi Prezıdent janyndaǵy QSZI Saıası zertteýler bóliminiń bas sarapshysy Áıgerim Ábdirashıtova.

Sondaı-aq áleýmettik saýalnama nátıjesi kórsetkendeı, turǵyndar bıylǵy jyldyń jaıly bolǵanyn aıtqan. Halyqtyń tórtten bir bóligi (25,1 paıyz) jyl «óte tabysty boldy», al teń jartysy (52,3 paıyz) «jalpy jaqsy boldy» dep jaýap bergen. «Halyqtyń 77,4 paıyzy keler jyldan kóp jaqsylyq kútedi, jaýaptarynyń kóbi optımıstik kózqarasty kórsetip otyr», dedi QSZI bas ǵylymı qyzmet­keri Aıgúl Zabırova.

Al ishki saıası saladaǵy eń mańyzdy 3 oqıǵanyń qataryna respondentter áıelderdiń quqyqtary men balalar­dyń qaýipsizdigin qamtamasyz etý jónindegi zańdy qabyldaý aıasynda biryńǵaı zańdy onlaın petısııa ıns­tıtýtyn engizýdi, turmystyq zorlyq-zombylyqty krımınalızasııalaýdy, sondaı-aq 6 qazanda ótken AES salý boıynsha jalpyhalyqtyq referendýmdy atap kórsetken.

– Referendým – elde keıingi bes jylda bolǵan eleýli ózgeristiń bir aıǵaǵy, «Halyq únine qulaq asatyn memleket» uǵymynyń aıqyn kórinisi. Búkilhalyqtyq daýys berý ener­getıkalyq keshenniń damý baǵytyn, atom energetıkasynyń bolashaǵyn jáne onyń elimizdiń energetıkalyq táýelsizdigine yqpalyn aıqyndady, – dedi QZSI Strategııalyq taldaý bóliminiń basshysy Elnar Berikbaev.

Elimizdiń ekonomıkalyq saladaǵy jetistikteri týraly aıta kele, QSZI sarapshylary Memleket basshysy jańa ekonomıkalyq baǵyt usyn­ǵanyn atap ótti. Osy rette sarapshylar ekonomıkadaǵy 3 basty je­tistik retinde Shaǵyn jáne orta ká­sipkerlikti qoldaý men damytýdyń keshendi baǵdarlamasyn qabyldaý, Memlekettik satyp alýdyń jańa ereje­lerin bekitý arqyly bızneske jańa «ekonomıkalyq lıftterdi» qurý, sondaı-aq «Ekonomıkany yryqtan­dyrý jónindegi sharalar týraly» Prezıdent Jarlyǵyna qol qoıýdy kórsetti.

– Eldiń ınfraqurylymyn damytý josparynda 204 joba bar. Energetıka salasynda – 46, kólik salasynda – 59, sýmen jabdyqtaý jáne kanalızasııa bo­ıynsha – 89, sıfrlyq ınfraqurylym boıynsha 10 joba qabyldandy. Olardy júzege asyrý kezinde halyqaralyq qarjy uıymdarymen ózara baılanys mańyzdy. Osy oraıda Dúnıejúzilik bank, Azııa damý banki, Eýropalyq qaıta qurý jáne damý banki, Islam damý banki, Eýrazııalyq damý banki, t.b. uıymdarmen yntymaqtas­tyq júrgizilip jatyr, – dedi QSZI dırektorynyń orynbasary Nurlan Saqýov.

Instıtýt sarapshylary Qazaq­stannyń halyqaralyq saladaǵy bas­ty jetistigi retinde halyqaralyq sarapshylar qaýymdastyǵy aldynda elimizdiń «orta derjava» retinde maquldanýyn atap ótti. Bul elimizdiń jahandyq úderisterdegi róliniń artqanyn jáne túrli kópjaqty formattarda sheshim qabyldaýǵa yqpal etý múmkindikteriniń keńeıgenin kórsetedi. Sondaı-aq Memleket basshysynyń negizgi seriktes elderge, onyń ishinde Qatar, Fransııa, Mońǵolııa, Reseı, О́zbekstan, Qytaı jáne Ázerbaıjanǵa jasaǵan saparlaryn erekshe atap ótý qajet.

– Bul saparlar strategııalyq serik­testikti nyǵaıtýǵa yqpal etip, eldiń kópvektorly jáne teńgerimdi syrtqy saıasatqa beıildiligin tanytty jáne el ekonomıkasyn qaıta jandandyrýdyń basym baǵyttarynyń biri shıkizattyq emes jáne óńdeýshi salalardy damytýǵa múmkindik berdi, – dedi sarapshy Sanat Kóshkimbaev.