AQSh-tyń 39-shy Prezıdenti, Beıbitshilik salasyndaǵy Nobel syılyǵynyń laýreaty Djımmı Karter 100 jasynda qaıtys boldy, dep habarlaıdy Egemen.kz BBC News arnasyna silteme jasap.
Djımmı Karter – AQSh áskerı-teńiz kúshteriniń ofıseri, Djordjııa shtatynyń senatory jáne shtat gýbernatory bolǵan. 1976 jyly Demokratııalyq partııa AQSh prezıdenti saılaýyna onyń kandıdatýrasyn usynǵan. Ol saılaýda respýblıkashyl Djerald Fordtan ozdy. Djımmı Karter 1977-1981 jyldar aralyǵynda memleketti basqardy.
BBC málimetinshe, onyń aty-jóni – Djeıms Erl Karter. Ol tarıhqa ózin «kóshedegideı» Djımmı dep ataýdy ótingen memlekettik tulǵa retinde engen.
«Men jaı ǵana fermermin. Men osyǵan úırengenmin», degen edi Karter.