«Azamattarǵa arnalǵan úkimet» Memlekettik korporasııasy 1 jáne 3 qańtar aralyǵynda Jańa jyl merekesine oraı HQKO men MHQKO jumys istemeıtinin habarlady, dep jazady Egemen.kz.
Al 4 qańtar, ıaǵnı senbi, kezekshi ortalyqtar úshin jumys kúni. Azamattardy qabyldaý 9.00-den 13.00-ge deıin júzege asady.
5 jáne 6 qańtar kúni elimizdiń barlyq ortalyqtary ádettegi keste boıynsha óz jumysyn jalǵastyrady. Elimizde 7 qańtar kúni pravoslavıelik Rojdestvo toılanatyndyqtan, bul kún HQKO men MHQKO jumys istemeıdi.
Eske sala keteıik, halyqqa qyzmet kórsetý ortalyqtary jumys kúnderi saǵat 9.00-den 18.00-ge deıin azamattardy qabyldaıdy. Kezekshi halyqqa qyzmet kórsetý ortalyqtary dúısenbiden jumaǵa deıin 9.00-den 20:00-ge deıin, senbi kúnderi 9.00-den 13.00-ge deıin jumys isteıdi.