2024 jyly Qazaqstanda áskerı oqý oryndaryn jańǵyrtý jalǵasyp, bul Qazaqstan Respýblıkasynyń Qarýly kúshteri úshin kadrlar daıarlaýdy jaqsartýǵa múmkindik berdi, dep jazady Egemen.kz.
О́tken jyly áskerı mamandardy daıarlaý sapasyn arttyrý úshin Qorǵanys mınıstrliginiń joǵary oqý oryndaryndaǵy oqý prosesi Qarýly kúshterdiń jaýyngerlik daıarlyq josparymen biriktirildi. Kýrsanttardyń áskerı taǵylymdamadan ótý ýaqyty uzartylyp, bul olardyń praktıkalyq tájirıbe alýyna oń áser etti.
Kúrdeli geosaıası jaǵdaıdy jáne qazirgi zamanǵy qarýly qaqtyǵystardy eskere otyryp, áskerı mamandardy daıarlaýdyń oqý josparlary men baǵdarlamalary qaıta qaraldy.
Ulttyq qorǵanys ýnıversıtetinde jumyldyrý daıyndyǵy fakýlteti ashylyp, onda joǵary bilikti oqytýshylar túrli memlekettik organdarǵa mamandar daıyndaýda.
Oqý prosesin ońtaılandyrýdyń taǵy bir sátti mysaly retinde Radıoelektronıka jáne baılanys áskerı-ınjenerlik ınstıtýtyn ataýǵa bolady. Munda oqý merzimi 5 jyldan 4 jylǵa deıin qysqaryp, al oqý baǵdarlamasy ózgerissiz qaldy. Mundaı qadam oqytýdyń qarqyndylyǵy men tıimdiligin arttyrýǵa múmkindik berdi.
Qurlyq áskerleriniń áskerı ınstıtýtynda bitirýshi kýrsanttarǵa kóshbasshylyq qasıetterdi damytýǵa, nusqaýshy-ádistemelik daǵdylardy jetildirýge, bolashaq ofıserlerdiń kásibı sheberligi men fızıkalyq deńgeıin arttyrýǵa baǵyttalǵan «Sardar» kýrsy engizildi. Bul kýrstyń nátıjeleri kýrsanttardyń Qarýly kúshter bólimshelerine ofıserlik laýazymdarǵa bólinýine áser etedi.
500 den astam áskerı qyzmetshi sheteldik áskerı joǵary oqý oryndary men oqý ortalyqtaryna oqýǵa jiberildi.
Ujymdyq qaýipsizdik týraly shart uıymyna múshe memleketter úshin áskerı kadrlardy daıarlaý týraly kelisim, sondaı-aq ekijaqty halyqaralyq sharttar sheńberinde shet memleketterdiń joǵary oqý oryndary men oqý ortalyqtaryna 390 áskerı qyzmetshi oqýǵa jiberildi.
Olardyń 139-y Reseı Federasııasynyń áskerı oqý oryndarynda magıstratýrada, rezıdentýrada, adıýnktýrada jáne bakalavrıatta oqysa, 37 áskerı qyzmetshi Túrkııa Respýblıkasyna oqýǵa jiberildi. 13 – i AQSh joǵary oqý oryndarynda, qalǵandary Belarýs, О́zbekstan, Úndistan, Italııa, Qytaı jáne Koreıada bakalavrıat jáne magıstratýra baǵdarlamalary boıynsha oqıdy.
Ekijaqty yntymaqtastyq aıasynda Qazaqstan armııasynyń 190 áskerı qyzmetshisi AQSh, Túrkııa, Italııa, Polsha, О́zbekstan, Ázerbaıjan, Qytaı, Koreıa, Pákistan jáne Úndistanda kýrstyq daıyndyqtan ótti.
Bilim berý baǵdarlamasy aıasynda alǵash ret Qazaqstan Ulttyq qorǵanys ýnıversıtetiniń «Qarýly kúshter Bas shtaby akademııasy» fakýltetiniń magıstratýrasynda Koreıa, Iran jáne Pákistannan tórt áskerı qyzmetshi oqýdan ótti. Fransııa men Úndistan qarýly kúshteriniń eki ofıseri oqýyn jalǵastyrýda.
700-den astam áskerı qyzmetshi men azamattyq personal otandyq kásiporyndarda biliktilikti arttyrý kýrstarynan ótti
Ulttyq qorǵanys ýnıversıtetinde 550 áskerı qyzmetshi 14 baǵyt boıynsha biliktilikti arttyrý kýrstaryn bitirdi.
Budan basqa, 150-den astam áskerı qyzmetshi men azamattyq personal qyzmetkerleri «Arlan» jaýyngerlik mashınalaryn zerdeleý jáne olarǵa qyzmet kórsetý, dinı ekstremızm men terrorızmniń aldyn alý, órtten qorǵaý, ushý kezinde ornıtologııalyq qamtamasyz etý boıynsha jáne qorǵanys ónerkásibi kásiporyndarynda arnaıy jáne jalpy áskerı maqsattaǵy ǵımarattardy salý jáne paıdalaný, aqparattyq jáne kıberqaýipsizdik, radıasııalyq qaýipsizdik boıynsha oqytýdan jáne memlekettik organdar men otandyq uıymdardyń bazasynda býhgalterlik kýrstardan ótti.