Jańa jyldyń qýanyshpen bastalǵany qandaı jaqsy. Adamǵa erekshe kóńil kúı syılaıdy. Búgin talantty jas qalamgerler úshin aq túıeniń qarny jaryldy. О́ıtkeni Prezıdenttik arnaýly ádebı syılyǵynyń jeńimpazdary belgili boldy. Solardyń ishinde «Egemen Qazaqstan» gazeti Mádenıet jáne ádebıet bóliminiń meńgerýshisi Jánibek Álıman «Poezııa» atalymynda top jardy.
Prezıdenttik arnaýly ádebı syılyǵy baıqaýyna qatysqan jas qalamgerlerdiń bári de olqy emes. Esimderi oqyrmanǵa jaqsy tanys. Aıtalyq, «Proza» atalymynda Esbol Sosıalhannyń «2026» shyǵarmasy úzdik dep tanylsa, «Dramatýrgııa» atalymynda «Apataı» dramalyq týyndysy úshin Álisher Aıtýardyń juldyzy jandy. Al «Balalar ádebıeti» atalymynda «Roket Era. Sınopsıs» povesi úshin Áset Syzdyqov daralandy. Bizdiń Jánibek «Poezııa» atalymyn «Boz ushqat» óleńder jınaǵymen ıelendi.
Búginge deıin Jánibek Álımannyń eki-úsh jyr jınaǵy jaryq kórgen. Qazaqy qara óleńniń qaınaryn qanyp ishken jas aqynnyń poezııasy ulttyq rýhqa toly. Ásirese óleńderindegi erkindik pen syrshyldyq oqyrmanyn beıjaı qaldyrmaıdy.
Ádebıet synshylarynan da joǵary baǵasyn alyp júr. Sondyqtan jas aqynnyń bul syılyqqa ıe bolýy zańdy da. Aıtpaqshy, «Egemenniń» talantty aqyny Jánibekpen qatar «Kazpravdanyń» oǵylany, balalar jazýshysy Áset te baıqaý jeńimpazy atandy. Qysqasy, bul «Qazaq gazetteri» seriktestigi qyzmetkerleriniń shyǵarmashylyǵy áleýetiniń myqtylyǵynyń dáleli.