ASTANA. 4 aqpan. Tennısten Federasııa kýbogy jarysynda Qazaqstan Qytaı quramasyn 2:1 esebimen jeńdi. Bul týraly egemen.kz habarlady.
Qytaı jerinde ótip jatqan jarysta Azııa jáne Muhıt aımaǵy elderiniń I tobynda oınaıtyn komandalar saıysýda. Alǵashqy oıynda kortqa elimizdiń ekinshi raketkasy Iаroslava Shvedova men qytaılyq komandanyń kóshbasshysy Peng Shýaı shyqty. Birinshi set P.Shýaıdyń paıdasyna aıaqtaldy. Qarsylasynyń bir dobyn óz paıdasyna sheshe bilgen ol 4:6 esebimen basym tústi. Ekinshi kezeńde qazaqstandyq tennısshi dál sondaı eseppen jeńiske jetip, qarsylastar jeńimpazdy anyqtaý úshin sheshýshi úshinshi kezeńge júgindi. Bul sette Slava basymdyq tanytyp, 6:3 esebimen kezeńdi jáne oıyndy jeńispen aıaqtady.
Artynsha jarys alańyna Qazaqstannyń birinshi, álemniń 33-raketkasy Zarına Dıas pen qytaı qyzy Chjan Shýaı shyqty. Zarına oıyndy uzaqqa sozbaı, tartys taǵdyryn eki sette sheshti. Alǵashqysynda qytaılyq tennısshi qarsylasyp baqqanymen, ekinshi sette Zarınanyń qarqynyna tótep bere almady. Nátıjesinde, oıyn qazaq qyzynyń paıdasyna 7:5, 6:0 esebimen aıaqtaldy. Osylaısha, komandamyz merziminen buryn jeńiske jetip, toptaǵy basty qarsylastarynan aılasyn asyrdy.
Úshinshi oıynda komandalar juptyq synda saıysqa tústi. Bul tartysqa ulttyq quramanyń kapıtany Dıas Dosqaraev aldyn-ala josparlanǵan Zarına Dıas-Iаroslava Shvedova jubyn emes, Kámılá Kerimbaeva men Iýlııa Pýtınsevany shyǵardy. Al Qytaı tarapy Peng Shýaı men Jeng Saısaıǵa senim artty. Eki setke sozylǵan tartysta qytaılyqtar 6:1, 7:5 esebimen jeńiske jetti. Degenmen, bul jeńis jalpy eseptegi nátıjege ózgeris engize almaıtyny anyq.
Endi qyzdarymyz Qytaı Taıpeıimen kúsh synasady. Sondaı-aq, biz óner kórsetetin «V» tobynda Taıland eli de bar. Jalpy6 Azııa jáne muhıt aımaǵy elderiniń I tobynda segiz memleket oınaıdy. Olar «A» jáne «V» tobyna bólinip saıysqa túsýde. Ekinshi toptaǵy elderdi joǵaryda aıtsaq, «A» tobynda О́zbekstan, Japonııa, Ońtústik Koreıa jáne Gonkong elderi bar. Ár toptyń jeńimpazy II Álemdik toptyń pleı-off satysyna beriler joldamany sarapqa salady.
Elaman Qońyr.
Derek: egemen.kz.
Sýret: facebook.com.