Prezıdent suhbatyndaǵy basymdyqtar baıyptaldy

Senat depýtattary Nurtóre Júsip, Rýslan Rústemov jáne Naý­ryzbaı Baıqadamov Qyzyl­or­da oblysyndaǵy Shıeli aýdanynda «Rýhanı ortalyqtyń» ashylýyna qatysyp, onyń Mem­leket basshysynyń «Ana tili» gazetine bergen suhbatynda aıtyl­ǵandaı, halyqtyń dúnıe­tanymyn kórsetetin júıe retin­de qazaq tilin damytýǵa naqty úles qosýmen qatar, óńirdiń áleý­mettik jáne mádenı ınfraqu­rylymyn damytý men ár adam­nyń rýhanı kemeldenýine múm­kin­dik beretinin atap ótti.

«Prezıdenttiń qazaq tilin damytýdyń mańyzy týraly tu­jy­rymy ulttyq qazynany saq­taý men nyǵaıtýǵa degen um­ty­lys qana emes, bolashaq urpaq al­dyndaǵy jaýapkershilikti de kórsetedi. Qazaq tilin damytý – memlekettiń ǵana emes, Qa­zaq­stannyń árbir azamatynyń mindeti. Elimizdiń barlyq etnos­tyq toptarynyń tilge degen qur­meti men qoldaýy birtutas, myq­ty jáne órkendegen ult qurýǵa, óz ereksheligin saqtaýǵa jáne ári qaraı órkendeý jolymen senimdi túrde ilgerileýge kómektesedi», dedi N.Júsip.

Sondaı-aq depýtattar tur­ǵyn­­darmen áńgime barysynda Memleket basshysynyń 2025 jyldy «Jumysshy mamandyqtar jyly» dep jarııalaý týraly bastamasyn talqylady.

Al senatorlar Darhan Qy­dyr­­áli men Alısher Satval­dıev «Memlekettik tehnıkalyq qyzmet» AQ ujymymen kezdes­ti. Onda sıfrlandyrýdyń bola­shaǵy, jasandy ıntellek­tini qoldanýdyń artyqshyly­ǵy men neırojelilerdiń damýy týyndatatyn qaýip­ter talqylandy. Depýtattar Aq­parattyq qaýip­siz­dik jó­n­in­degi ulttyq úıles­tirý or­talyǵy men Telekom­mýnıkasııa jelilerin basqa­rý ortalyǵynyń jáne Kompıý­terlik ınsıdentterge áreket etý ulttyq qyzmeti men zııandy kodty zertteý orta­lyǵynyń jumys barysymen tanysty.

«Sıfrlyq tehnologııa eli­miz­de keńinen taralyp, kúnde­likti ómirimizge ene bastady. Alaıda jetistiktermen qatar kıberkeńistiktegi qaýip-qater de kóbeıip keledi. Osyǵan baı­la­nysty tehnıkalyq ınfra­qu­rylymdy jetildirý, zańnama­ny beıimdeý, bilim berý baǵdarla­masyn damytý, jasandy ıntel­lek­tini jaýapkershilikpen en­gizý sııa­q­ty keshendi sharalardy qabyldaý qajet. Memleket basshysy bul máselege erekshe nazar aýdaryp otyr», dedi D.Qydyráli.

Sondaı-aq senator Amangeldi Nuǵmanov Aktóbe oblysynyń ákimimen jáne óńirdiń aktıvimen kezdesti. Jıynda ákim senatorǵa 2024 jyldyń áleýmettik-ekono­mıkalyq qorytyndylary, aǵym­daǵy jumystar men ózekti máse­leler týraly baıandady. Ásirese avtomobıl joldarynyń jaǵ­daıy, ekologııalyq ahýal, áleý­mettik qyzmetterdiń sapasy, ınfra­qurylym jáne ınternetke qoljetimdilik máselelerin aıtty.

«Prezıdent halyqtyń shynaıy muqtajyna nazar aýdarý kerektigin aıtyp otyr. Aýyldyq aımaqtardy nyǵaıtý, áleýmettik jáne kólik ınfraqurylymyn damytý, agrarlyq sektor men jańa tehnologııany qoldaý – bárimiz birlesip sheshýge tıisti mindetter», dedi senator.

Senator Serik О́teshov te Qaraǵan­dy medısına ýnıver­sıteti men Qaztutynýoda­ǵy ýnıversıtetiniń profes­sor-oqytýshylar qura­my­men jolyqty. Ol medısına ýnıver­sıtetiniń janyndaǵy aýrýhanada bolyp, ujymmen kezdesýde osyndaı mekemelerdiń mańyzyn atap ótti. Munda oqy­tý­shylardyń ǵylymı bilimi tájirıbede sátti qoldanylady. Kezdesý barysynda Prezıdent Joldaýyn iske asyrý barysy jan-jaqty talqylandy. S.О́teshov memleket dárigerlerdiń márte­besin arttyrýǵa oraı sharalar qa­byldap jatqanyna toqta­la kelip, oǵan medısına qyz­met­kerlerin kásibı mindetterin oryn­daý kezinde qorǵaýǵa arnal­ǵan zańnamalyq ózgerister de kiretinin jetkizdi.

Senat depýtaty Serik Shaı­da­rov Ulytaý oblysyndaǵy Jańaar­qa aýdanynda bolyp, orman tuqymbaǵynyń qurylysy barysymen tanysty. Ol joba jetekshisimen birge qurylystyń qazirgi jaǵdaıyn kórip, nysannyń aımaq pen jalpy elimizdiń ekolo­gııalyq ál-aýqatynyń mańy­zyn atap ótti. Prezıdent «Ana tili» gazetine bergen suhba­tyn­da orman tuqymbaǵyn ekologııa­lyq kún tártibine sáıkes ke­l­etin turaqty orman sharýashyly­ǵynyń etalonyna aınaldyrý josparlanǵanyn aıtqan edi.

Depýtat sondaı-aq Qara­aǵash aýyldyq okrýginde aqsaqal­darmen jáne jergilikti turǵyn­darmen kezdesip, joldardy asfalttaý, halyqty medısınalyq kómekpen qamtamasyz etý jáne sport keshenin salý máselelerin talqylady. Ol Yntymaq aýylynda elektr berý jelilerin salý boıynsha jobalaý-smetalyq qujattamamen de tanysty. Se­na­tor mundaı jobalardyń óńir­degi ómir súrý sapasyn jaq­sartýda mańyzy zor ekenin jáne ınfraqurylymdy damytý jó­nindegi ulttyq strategııaǵa sáıkes keletinin aıtty.