Kólik mınıstrligi osy jyly júzege asyratyn iri jobalarymen bólisti, dep jazady Egemen.kz.
Qazaqstanda avıasııa salasyndaǵy mańyzdy ınfraqurylymdyq jobalardy júzege asyrý bastaldy.
Prezıdent tapsyrmasyna saı kýrorttyq aımaqtar Qatonqaraǵaı, Zaısan, Kendirlide osy jyly áýejaı qurylysy bastalady.
Mınıstrlik qazir bul nysandardyń jer ýchaskelerin rásimdeý jáne jobalaý jumystary júrgizilip jatqanyn málim etti.
Avtomobıl joldary salasynda da aýqymdy josparlar júzege asyrý josparlanǵan. Jańa avtojoldardyń jalpy uzyndyǵy 4,7 myń shaqyrym, onyń 3,7 myń shaqyrymy – I sanattaǵy joldar bolmaq.
«Bıyl «Dostyq – Moıynty» jobasy boıynsha temir jol qurylysy aıaqtalady. Bul ótkizý qabiletin 5 esege arttyryp, táýligine 12-60 poıyz jubynyń úzdiksiz qozǵalysyn qamtamasyz etedi. Sonymen qatar «Almaty aınalma joly» jobasy júzege asyrylady. Sondaı-aq «Dostyq – Beskól» jáne «Moıynty – Balqash» ýchaskelerinde de qozǵalysty ashý josparlanǵan. Bul sheshim ýchaskelerdegi poıyz qozǵalysyn jaqsartýǵa jáne júk tasymaly máselelerin sheshýge kómektesedi», delingen Kólik mınıstrliginiń habarlamasynda.
Teńiz kóligin damytý maqsatynda Aqtaý portynda konteınerlik hab salý jumystary bastaldy. Bul Qazaqstannyń halyqaralyq logıstıkadaǵy ornyn nyǵaıtyp, Ázerbaıjan, Grýzııa jáne Túrkııa arqyly ótetin Transkaspıı baǵytyndaǵy konteınerler tasymaly kólemin ulǵaıtýǵa, sondaı-aq Qytaıdan Eýropaǵa jetkiziletin tranzıttik júkterdiń bir bóligin qaıta baǵyttaýǵa múmkindik beredi.