«Aqtóbe qalasynyń jol qaýipsizdigin qamtamasyz etý jáne sıfrlyq tehnologııalar ortalyǵy» KMM-i dırektorynyń bıýdjet qarajatyn jymqyrý faktisi anyqtaldy, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Dırektor T.-nyń qyzmet babyn paıdalana otyryp jasalǵan memlekettik satyp alý sharttary sheńberinde 272 mln teńge somasyna jol belgilerin salý boıynsha is júzinde oryndalmaǵan jumystarǵa aktiler qabyldaǵany anyqtalǵan.
«Dırektordyń áreketi QK-tiń 189-baby 4-bóligi 2-tarmaǵy boıynsha saralanyp (Senip tapsyrylǵan bóten múlikti ıemdenip alý nemese talan-tarajǵa salý), oǵan qatysty kúzetpen ustaý, bultartpaý sharasy qoldanyldy», delingen habarlamada.
Qazirgi tańda qylmystyq is Aqtóbe qalasynyń №2 sotyna máni boıynsha qaraý úshin joldanǵan.