Úkimettiń «Qazaqstan Respýblıkasy Prezıdentiniń janyndaǵy Qazaqstan Respýblıkasy Ulttyq ǵylym akademııasynyń keıbir máseleleri týraly» 2024 jylǵy 30 jeltoqsandaǵy qaýlysyna sáıkes Prezıdent janyndaǵy Ulttyq ǵylym akademııasy Joǵary ǵylymı uıym mártebesine ıe boldy, dep habarlaıdy Egemen.kz UǴA baspasóz qyzmetine silteme jasap.
«QR Prezıdentiniń janyndaǵy «Qazaqstan Respýblıkasynyń Ulttyq ǵylym akademııasy» kommersııalyq emes aksıonerlik qoǵamy QR Prezıdentiniń janyndaǵy «Qazaqstan Respýblıkasynyń Ulttyq ǵylym akademııasy» joǵary ǵylymı uıymyna qaıta qurylsyn» delingen qujatta.
Prezıdent janyndaǵy Ulttyq ǵylym akademııanyń negizgi qyzmet túrleri:
áleýmettik-ekonomıkalyq damý basymdyqtaryna sáıkes ǵylymı jáne (nemese) ǵylymı-tehnıkalyq qyzmettiń basym baǵyttaryn, sondaı-aq Qazaqstan Respýblıkasyndaǵy strategııalyq, irgeli jáne qoldanbaly ǵylymı zertteýlerdiń basym baǵyttaryn aıqyndaý jónindegi usynymdardy tujyrymdaý;
Prezıdent janyndaǵy Ǵylym jáne tehnologııalar jónindegi ulttyq keńeske ýákiletti organ usynǵan ǵylym men tehnologııalardy damytýdyń strategııalyq basym baǵyttaryna taldaý júrgizý;
Baǵdarlamalyq-nysanaly qarjylandyrý úshin Joǵary ǵylymı-tehnıkalyq komıssııanyń qaraýyna usynylǵan ǵylymı-tehnıkalyq tapsyrmalarǵa saraptama júrgizý;
Ǵylymdy damytý boıynsha forsaıttyq (boljamdy) zertteýler daıyndaýdy jáne júrgizýdi júzege asyrý;
Ǵylym salasynda ataýly syılyqtar men stıpendııalar alýǵa konkýrstar ótkizý;
Ǵylym men tehnıkanyń túrli salalarynda ǵylymı zertteýler júrgizý;
ǵylymı jýrnaldardy shyǵarý;
Halyqaralyq ǵylymı jáne ǵylymı-tehnıkalyq yntymaqtastyqty damytýǵa qatysý;
Ǵylymdy nasıhattaýǵa qatysý.
Qaýly 2024 jylǵy 30 jeltoqsannan bastap kúshine endi.
ALMATY