Antıkor Abaı oblysynyń densaýlyq saqtaý salasyn sybaılas jemqorlyq táýekelderine tekserý barysynda «SK-Farmasııa» JShS medısınalyq preparattardy ýaqytyly jetkizbeıtinin anyqtady, dep jazady Egemen.kz.
Mundaı jaǵdaı tegin dári-dármek tapshylyǵyn týdyryp, pasıentterdi óz qarajatyn jumsaýǵa ıtermeleıdi. Al medısınalyq mekemeler naqty jaǵdaıdy jasyrý úshin «jalǵan resepter» jazyp otyrǵan. Qujattarǵa sáıkes naýqastar dári-dármekpen tolyq qamtamasyz etilmegeni belgili bolǵan.
«Taldaý qorytyndysy boıynsha Abaı oblysynyń barlyq emhanalarynda Densaýlyq saqtaý mınıstrliginiń «Áleýmettik ámııan» qosymshasynda QR-kod arqyly pasıentterge tegin dári-dármek berý júıesi engizildi. Qazirgi ýaqytta bul - dári-dármekterdi alýdyń balama ádisi, alaıda ol qazirdiń ózinde oń nátıje kórsetip jatyr», delingen Antıkor habarlamasynda.
QR-kod arqyly pasıentterge tegin dári-dármek berý pılottyq jobasynyń qorytyndysy oń áser baıqatsa, júıeni el kóleminde engizý josparlanyp otyr.