«Astana Arena» stadıony UEFA talaptary men usynystaryn eskere otyryp kúrdeli jóndeýden ótti. Astana qalalyq máslıhat depýtaty Erlan Kanalımov arena halyqaralyq matchtardy ótkizýge daıyn ekenin málim etti, dep jazady Egemen.kz.
Rekonstrýksııa barysynda eski jabyndylar, alańdy jylytý jáne sýarý júıeleri tolyǵymen aýystyrylyp, jasandy gazon jańartylǵan.
«О́tken jyldyń jeltoqsan aıynda fýtbol alańy UEFA standarttaryna sáıkes sertıfıkattaýdan ótip, halyqaralyq sertıfıkatqa ıe boldy», dep jazdy Erlan Kanalımov áleýmettik jelidegi paraqshasynda.
Ol Astanadaǵy «Qazaqstan» sport saraıyn qaıta jańǵyrtý jumystary bastalǵanyn da atap ótken.
«Qazirgi ýaqytta tıisti qujattardy rásimdeý boıynsha jumystar júrgizilýde. Qurylys-montaj jumystaryn bıyl bastaý josparlanyp otyr. Jobany aıaqtaý jáne nysandy paıdalanýǵa berý 2026 jylǵa josparlanǵan», dedi Astana qalalyq máslıhat depýtaty.