AQSh-tyń jańa saılanǵan prezıdenti Donald Tramp Reseı basshysy Vladımır Pýtınmen múmkindiginshe tezirek kezdeskisi keletinin aıtty. Bul týraly saıasatker 13 qańtar kúni Newsmax saıtyna bergen suhbatynda málimdedi, dep habarlaıdy Egemen.kz.
«Men onyń (Pýtın. - Red.) menimen kezdeskisi keletinin bilemin. Men de taıaý arada kezdesýge yqylastymyn. Erterek bolsa tipti jaqsy», dedi Tramp.
Biraq aıta ketý kerek, mundaı kelissózderdi Tramp resmı túrde qyzmetke kiriskennen keıin ǵana Prezıdent mártebesinde júrgize alady.
Al Kremldiń resmı ókili Dmıtrıı Peskov kóptegen elderdiń Pýtın men Tramptyń kezdesý alańyna aınalýǵa daıyn ekendigin jetkizdi.