Almatyda máıitterdi qorlady dep aıyptalǵan máıithana kúzetshisi Aleksandr Belıaevke qatysty sot úkimi shyqty, dep habarlaıdy Egemen.kz.
Jabyq sot otyrysynda máıitterdi qorlady degen aıyppen B.-ǵa qatysty medısınalyq sıpattaǵy májbúrleý sharalaryn qoldanýǵa qatysty is qaraldy.
- Sot saraptamalyq qorytyndylarǵa súıene otyryp, B.-nyń óz is-áreketin jasaý kezinde esi durys emes jaǵdaıda boldy jáne sozylmaly psıhıkalyq aýrýǵa shaldyqqan degen qorytyndyǵa keldi, – delingen habarlamada.
Sot qaýlysymen sottalýshy esi durys emes dep tanylyp, psıhıatrııalyq stasıonarǵa májbúrlep emdeýge jiberildi.