2025 jylǵy 1 qańtardan bastap múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri eń tómen kúnkóris deńgeıiniń ulǵaıýyna baılanysty 6,5 %-ǵa ósti, dep habarlaıdy Egemen.kz.
QR Úkimetiniń sheshimi boıynsha eńbekke qabilettiliginen aıyrylý jáne asyraýshysynan aıyrylý boıynsha MÁSQ-dan tólenetin tólemderdiń mólsheri de 6,5 %-ǵa artty.
Osylaısha jalpy aýrýdan múgedektigi boıynsha MÁJ mólsheri 1-top úshin – 101 702 teńgeni, 2-top úshin – 81 362 teńgeni, 3-top úshin 55 474 teńgeni quraıdy.
2025 jylǵy 1 qańtardaǵy jaǵdaı boıynsha eńbekke qabilettiliginen aıyrylý boıynsha áleýmettik tólemderdiń ortasha mólsheri 60 407 teńge, asyraýshysynan aıyrylý boıynsha – 64 772 teńge bolady.
Aıta keteıik, 2024 jyly múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylardy tóleýge respýblıkalyq bıýdjetten 613,1 mlrd teńge jumsaldy. Buǵan qosymsha Memlekettik áleýmettik saqtandyrý qorynan eńbekke qabilettiliginen aıyrylý jáne asyraýshysynan aıyrylý boıynsha shamamen 80,3 mlrd teńge somasyna áleýmettik tólemder júzege asyryldy.