Búgin tańerteń Astana aspanynda erekshe qubylys baıqaldy, dep jazady Egemen.kz.
Elorda turǵyndary kún aınalasyn qorshaı paıda bolǵan saqına tárizdes jaryq qubylystyń beınesin áleýmettik jelide jarııalap jatyr.
Meteorologııa ǵylymynda aspandaǵy mundaı kórinis «galo» dep atalady eken. Galo - bul jaryq kóziniń aınalasynda ekinshi jarqyldyń sheńber, saqına, doǵa túrinde kórinýi.
Ádette kún aınalasynda «galo» atmosferadaǵy bulttardyń massasynda muz krıstaldary kóbeıgende paıda bolady.
Al qazaqta bul qubylysty «Kún qoralandy» deıdi. Qazaq juldyzshylary kún qoralansa qar qalyń jaýady dep boljaǵan.