Otandyq on fılm

Atap aıtsaq, 2011 jyly Tarazdaǵy terraktide qaza tapqan Ǵazız Baıtasovqa arnalǵan «Kapıtan Baıtasov» kınokartınasy bar. Sondaı-aq lýdomanııa taqyrybyn qozǵaıtyn «Igromanka» jobasy da qoǵamnyń keselin ashyp kórsetedi. Al «90+1» fılmi jastardyń salamatty ómir saltyn ustanýǵa jáne sportqa degen qulshynysyn oıatady. Budan bólek «Osennıı brız», «Feıkovyı arman», «Qaitadan», «Tezek», «Qara qyz», «Altyn adam», «Aromatnoe serdse» jáne «Ábil» fılmderi kınoteatrlarǵa usynylady.

«Kıno – jaı ǵana óner emes, ulttyq ıdeologııany qalyptastyratyn quraldyń biri. Memleket qarjysyna túsirilgen kınoda, eń aldymen, qoǵamǵa qajetti qundylyqtar dáriptelýge tıis. Buǵan deıin Prezıdent Qasym-Jomart Toqaev ta kınoóndiristi mádenıettiń bir bóligi ǵana emes, ekonomıkanyń jeke tarmaǵy retinde qarastyrýdy tapsyrdy. Kınony damytý úshin jańasha kózqaras, tyń serpin qajettigin alǵa tartty. Túsirilim barysynda osy dúnıelerdiń barlyǵy eskerildi. Qolǵa alynǵan jobalar kórermen kóńilinen shyǵady degen oıdamyz», dedi Ulttyq kınony qoldaý ortalyǵynyń basqarma tóraǵasy Qurmanbek Jumaǵalı.

Kıno ortalyǵy naýryz aıynyń basynda jańa kınojobalar konkýrsy jarııalanatynyn da habarlaıdy. Bıyl fılm túsirýge arnalǵan basym taqyryptar legi jarııalandy. Onyń ishinde eń aldymen Otanǵa degen súıispenshilik, tarıh, taǵylym, bilim, otbasy sekildi mańyzdy taqyryptar qamtylǵan. Buǵan qosa jumysshy mamandyqtary men eńbek adamdarynyń erligi de basym taqyryptar qatarynda. Tolyq tizimin Kıno ortalyǵynyń resmı saıtynan kórýge bolady.

Aıta ketý kerek, ótken jyly memlekettik qoldaýǵa úmitker kınojobalardy irikteý erejesine ózge­ris­ter engizilgen bolatyn. Jańa erejege sáıkes konkýrstyń birinshi kezeńinde áýeli ssenarııler qa­byldanyp, úzdikteri saraptama keńesiniń qaraýyna jiberiledi. Búgingi eseppen qarasaq, kınogerler úshin ssenarıı jazý, tolymdy oı qorytýǵa 2 aı kóleminde ýaqyt berilip otyr.

Iýnýs О́ZKAN,

Q.A.Iаsaýı ýnıversıtetiniń stýdenti