Almaty qalasyndaǵy 2011-2024 jyldar aralyǵynda turǵyn úı-kommýnaldyq sharýashylyqty jańǵyrtý baǵdarlamasynyń arqasynda 2266 kóppáterli turǵyn úı (KTÚ) jóndelip, onyń ishinde 1188 úıdiń shatyry, qasbetteri men kireberisteri qosa qalpyna keltirilip, ınjenerlik jelileri men elektr jabdyqtary jańartylyp, kúrdeli jóndeýden ótti, dep jazady Egemen.kz.
Sonymen qatar, 1078 úıde 2257 jedelsaty jańasyna aýystyrylyp, bul qala turǵyndarynyń jaılylyǵy men qaýipsizdigin edáýir jaqsartyp otyr.
Osylaısha ótken jyly joǵarydaǵy baǵdarlama aıasynda 118 kóppáterli turǵyn úıge kúrdeli jóndeý júrgizilip, 54 úıde 100 birlik lıft jabdyǵy jańartyldy.
Baǵdarlama eski turǵyn úılerdiń qyzmet etý merzimin uzartýǵa ǵana emes, sonymen qatar energııa tıimdiligin arttyrýǵa, kommýnaldyq qyzmetterdiń sapasyn jaqsartýǵa baǵyttalǵan.
Osy oraıda TKSh jańǵyrtýdyń memlekettik baǵdarlamasy aıasynda qala turǵyndary jóndeý jumystarynyń barlyq túrleri qarastyrylǵan ótinim bere alady. Ol úshin saılaýshylardyń 51% daýysyn jınap, ótinish berýi tıis. Jóndeý quny kommýnaldyq tólemderge kiredi jáne qaıtarymdy negizde memleket óteıdi.
Máselen, qaladaǵy Raıymbek, 245 mekenjaıynda jańartý baǵdarlamasy aıasynda jóndeý jumystary júrgizilse, bul nysanda sylaqty suıyq mármármen almastyrý, qabyrǵalardy boıaý, edenderdi jańartý jáne eski plıtkalardy aýystyrý qarastyrylǵan.