Senat depýtaty Darhan Qydyráli Ábý-Dabıde Musylman aqsaqaldar keńesiniń Bas hatshysy Muhammed Ábdelsalammen kezdesti, dep jazady Egemen.kz.
Depýtat kezdesý barysynda Bas hatshyǵa Senat Tóraǵasy Máýlen Áshimbaevtyń izgi tilegin jetkizip, bıyl qyrkúıek aıynda Astanada ótetin Álemdik jáne dástúrli dinder lıderleriniń VIII Sezine resmı shaqyrýdy tabys etti.
Muhammed Ábdelsalam Qazaqstan Prezıdenti Qasym-Jomart Toqaevtyń konfessııaaralyq jáne órkenıetaralyq dıalogty damytý jónindegi bastamalarynyń mańyzdylyǵyn erekshe atap ótip, Qazaqstan Parlamenti Senatynyń Spıkerine shaqyrý úshin alǵysyn bildirdi.
Taraptar Astanadaǵy Musylman aqsaqaldar keńesiniń bólimshesiniń qyzmeti men aldaǵy jumys josparyn da talqylady. Osy turǵyda dinı tózimdilik, túrli mádenıetter men halyqtar arasyndaǵy ózara túsinistikti nyǵaıtýǵa baǵyttalǵan birlesken bastamalar múmkindigi qaraldy.