Batyrdyń qylyshy tapsyryldy

«Ulttyq mýzeıdiń negizgi mıssııasy – tarıhı jádigerlerdi jınaý, tolyqtyrý, halyqqa jetkizý, saqtaý. Janashyr azamattardyń qoldaýymen syrtqa ketken kun­dy jádigerlerdi elge qaıtarý, halyqpen tabystyrý jumysy mýzeıde jolǵa qoıylǵan. Bizde biraz sondaı zattar bar. Alda olar jaıly syr shertetin jınaq shyǵaramyz. О́z qarajatymen mýzeı qoryn tolyqtyrýǵa úles qosqan azamattardyń tizimin, bylaısha aıtqanda, «Altyn kitabyn» daıyndaýdy bastadyq», dedi Berik Ábdiǵalıuly.

Aıta keteıik, batyrdyń qy­lyshy – HIH ǵasyrǵa tıesili jádi­ger. Ardaq Nazarov Janqoja batyrdyń eldik jolyndaǵy erligine toqtalyp, qylyshtyń ta­rıhyn aıtyp berdi. Onyń aıtýyn­sha, jádiger ýkraınalyq iz­deýshi mamandardyń qolyna tús­ken. Olar keıin muny Reseı­ge jiber­gen. Arnaıy saraptamadan ótken soń Qazaqstan aza­mattaryna ta­bys­talǵan. Jádi­gerdiń eki ja­ǵynda arabsha jazý bar. Birinde «Jan­qoja Nurmuhameduly bahadúrge saý­rat (syılyq)», ekinshisinde «So­zaq, 1845 jyl» dep jazylǵan.

«1845 jyly Kenesary han bastaǵan qazaqtyń batyrlary Sozaqty qoqandyq basqyn­shy­lardan azat etken kezde qylyshty Kenesary syılaǵan dep aıtylady. О́ıtkeni bul shaıqas kezinde Janqoja batyr áskerimen erekshe erlik kórsetti», dedi A.Nazarov.

Sondaı-aq Qazaqstannyń eńbek sińirgen qaıratkeri, jyr­shy Almas Almatov batyr týraly tarıhı derekterdi sóıletip, epos­tyq jyrlardan mysal keltirdi.

«Janqoja Nurmuhamed­uly­nyń tarıhtaǵy orny, ult-azat­tyq kóterilistiń basshysy bolǵa­ny jóninde óte keń maǵlumattar sońǵy ýaqytta zerttelip jatyr. Biraq jeke basyna tıesili jádigerler týraly derek az edi. Batyrdy oqqa baılaǵan kezde áýeli atyn alyp ketedi. Odan keıin qa­rý-jaraǵy alynady. Qylyshy da oljaǵa ketip, ári qaraı Reseı ­asyp, endi elimizge oralyp otyr. So­ǵan qolushyn bergen azamat­tar­ǵa kóp­ten-kóp rahmet!», dedi ol.

Bul já­diger­likti Ulttyq mýzeı mamandary ári qaraı zertteı túsedi dep senemiz.