AQSh prezıdenti Donald Tramp transgenderlerdiń áıelder arasyndaǵy sporttyq jarystarǵa qatysa almaıtyndyǵy týraly jarlyqqa qol qoıdy. «Áıelder sportyna erkekterdi qytystyrmaý» atty qujat Aq úıdiń resmı saıtyna jarııalandy, dep habarlaıdy Egemen.kz.
«Budan bylaı áıelder sporty áıelderge ǵana arnalady. Áıelder sportyna qarsy qaqtyǵys osymen támam», dedi Amerıka prezıdenti Jarlyqqa qol qoıý sátinde. Sondaı-aq Tramp bul qujattyń tól mádenıetti qalpyna keltirýge baǵyttalǵan aýqymdy árekettiń bir bóligi ekenin atap ótti.
Aıta keteıik, 2024 jyldyń jeltoqsanynda Donald Tramp jynysyn aýystyrǵan erkekterdi áıelder sportynan alastatýǵa ýáde bergen edi.
Sonymen qatar ol «transgenderlik aqylsyzdyq» tujyrymdamasyn jeleý etetin mektepterge federaldy qarjylandyrýdy qysqartýǵa kelisimin berdi.
Al qańtarda Aq úıdiń basshysy AQSh-ta 19 jasqa tolmaǵan adamdardyń jynysyn ózgertý operasııalaryna tyıym salatyn jarlyqqa qol qoıdy. Sondaı-aq, Donald Tramp óziniń Jarlyǵymen transgenderlerge AQSh armııasynda qyzmet etýge tyıym saldy.