Búgin «QazMunaıGaz» UK» AQ basqarma tóraǵasynyń orynbasary bolyp Shafkat Qudabaev taǵaıyndaldy. Bul qyzmette ol quqyqtyq máselelerdi qadaǵalaıtyn bolady, dep habarlaıdy Egemen.kz QR Munaı jáne gaz keńesiniń Telegram arnasyna silteme jasap.
Shafkat Qudabaev Qaraǵandy bıznes, basqarý jáne quqyq ýnıversıtetin, E.A.Bóketov atyndaǵy Qaraǵandy memlekettik ýnıversıtetin, I.M.Gýbkın atyndaǵy Reseı memlekettik munaı jáne gaz ýnıversıtetin bitirgen.
Eńbek jolyn 2001 jyly QR Memlekettik kirister mınıstrliginde jetekshi mamany bolyp bastaǵan.
2002-2020 jyldary QR Qarjy mınıstrliginde ártúrli qyzmetter atqardy: QM Salyq komıteti zań basqarmasynyń bastyǵy, Qaraǵandy oblysy boıynsha Salyq departamentiniń bastyǵy, QM Memlekettik kirister komıtetiniń mamandandyrylǵan basqarmasynyń basshysy jáne t.b;
2020-2021 jyldary «BTS Digital Ventures Fund» JK-da salyq máseleleri boıynsha sarapshy;
2021-2022 jyldary «KAZENERGY» Fıskaldyq retteý departamentiniń atqarýshy dırektory;
2022-2024 jyldary QR Energetıka mınıstrliginiń Jer qoınaýyn paıdalaný departamentiniń dırektory;
2024 jylǵy qazan aıynan bastap «QazMunaıGaz» UK AQ Baqylaý-uıymdastyrý jumysy jáne syrtqy baılanystar departamenti Basqarma tóraǵasy qyzmetiniń bıznes-seriktesi bolyp jumys istedi.