Balqash – Almaty baǵytyndaǵy jańa poıyz eki qala arasyndaǵy tikeleı temirjol qatynasyn qamtamasyz etedi, dep habarlaıdy Egemen.kz.
Buǵan deıin jolaýshylar Saryshaǵan stansasynda aýysyp minýge májbúr bolatyn.
Qaraǵandy oblysy ákimdiginiń málimetinshe, atalǵan marshrýt Balqash – Moıynty ýchaskesinde ekinshi jol salynǵannan keıin iske qosylǵan, bul jeliniń ótkizý qabiletin arttyrdy.
Poıyzdyń qozǵalys kestesi:
Balqash - Almaty – jup kúnderi saǵat 07:52-de jolǵa shyǵyp, Almaty-2 stansasyna 00:58-de keledi.
Almaty - Balqash – taq kúnderi saǵat 00:10-da jolǵa shyǵyp, Balqashqa 15:03-te keledi.
Sondaı-aq, jol júrý ýaqyty 17 saǵat bolatyny naqtylanǵan.