Astanada ótip jatqan «Jumysshy mamandyqtary qalasy» atty biregeı festıvalinde «Samuryq-Qazyna» qoryna qarasty iri jumys berýshi kompanııalardyń alleıasy ornalasqan. Bul qatarda «KEGOC» AQ-nyń «Elektrık úıin» kezdestirýge bolady. Shara aıasynda kompanııa energetıka salasynyń damýy jáne otandyq elektr energetıka júıesiniń turaqtylyǵy men senimdiligin qamtamasyz etýde bilikti mamandardyń alatyn róli týraly arnaıy stend usyndy.
Bolashaq mamandyqtary
«Jumysshy mamandyqtary qalasy» festıvali jastar úshin mańyzdy oqıǵaǵa aınalǵan. О́ıtkeni festıval ekonomıkanyń túrli salalarynda suranysqa ıe mamandyqtarmen tanysýǵa múmkindik beredi. «KEGOC» AQ stendinde kelýshiler kompanııanyń qyzmetimen keńirek tanysty, sonymen qatar energetıkadaǵy zamanaýı tehnologııalar kórsetilimin kórip, saladaǵy mansaptyq ósý jáne kásibı múmkindikter týraly aqparat aldy.
Kompanııa mamandary «KEGOC» AQ qyzmetiniń negizgi aspektileri jáne elimizdi úzdiksiz energııamen qamtamasyz etýge qoldanatyn ınnovasııalyq sheshimder týraly áńgimelep berdi. Sonymen qatar energetıkalyq ınfraqurylymdy damytý keleshegine, sondaı-aq bul mańyzdy ekonomıkalyq salaǵa jas mamandardy tartý kerek ekenine basa nazar aýdardy.
«KEGOC únemi komandany damytyp, energetıka salasyndaǵy qaýipsizdik pen tıimdiliktiń joǵary standarttaryn saqtaý boıynsha belsendi túrde jumys júrgizip keledi. Kompanııanyń tabysty jumysy men Qazaqstan energetıkalyq júıesiniń tıimdi qyzmet etýi úshin talantty ári bilikti mamandar qajet. Bul festıval – jastardy energetıka salasyndaǵy jumys múmkindikterimen tanystyrýǵa jáne olar eldiń bolashaǵy úshin mańyzdy kásipti tańdaýyna septesetin tamasha múmkindik», dedi «KEGOC» AQ basqarma tóraǵasy Nábı Aıtjanov.
Interaktıvti is-shara jáne sheberlik dárisi
Kompanııa stendinde energetıkterdiń jumys erekshelikteri týraly sheberlik dáristeri ótti. Qatysýshylar energetıkalyq júıelermen baılanysty mamandyqtarmen tanysyp, energetıka salasyndaǵy mansaptyq ósýge daıyndyq boıynsha keńes aldy. Arnaıy ınteraktıvti sessııalar qatysýshylarǵa energetık mamandardyń naqty jumysyn beıneleıtin róldik oıyndar men sımýlıasııalarǵa qatysýǵa múmkindik berdi. Sonymen qatar kelýshiler vıktorınaǵa qatysý arqyly energetıkterdiń jumysy týraly jańa úırengen bilimderin bekite aldy.
Bilim berýshi men jumys berýshi yntymaǵy
«KEGOC» AQ eldegi bilim berý mekemelerimen tyǵyz yntymaqtastyq ornatyp, biliktilikti arttyrý baǵdarlamalary men tálimgerlik júıelerin damytady. Festıval aıasynda kompanııa energetıka salasy boıynsha kadrlardy daıarlaý, zamanaýı bilim berý baǵdarlamalaryn engizý jáne stýdentterge arnalǵan taǵylymdamalardy uıymdastyrý boıynsha birqatar ýnıversıtet jáne kolledjdermen birlesken jobalaryn jarııalady.
«Jumysshy mamandyqtary qalasy» festıvali energetıka salasyndaǵy mamandyqtardyń mańyzdylyǵyn jáne bıznes pen bilim berý mekemeleri arasyndaǵy ózara yntymaqtastyqty kórsetý arqyly zamanaýı ekonomıka talaptaryna saı jumys isteı alatyn bolashaq kásibı mamandardy daıarlaýǵa yqpal etetin mańyzdy alańǵa aınaldy.
«Elektrık úıinde» elektr júıesiniń úzdiksiz jumysyn qamtamasyz etý úshin jumysshynyń kúndelikti qoldanatyn qural-jabdyǵy ornatylǵan. Mektep oqýshylary arnaıy qurylǵynyń kómegimen 3-4 metr bıikke kóterilip, jóndeý jumysy júrip jatqan elektr jelisiniń tiregin kóre alady.
«Interaktıvti is-sharada eldiń energetıkalyq júıesi baqylanatyn Ulttyq dıspetcherlik ortalyqtan tikeleı efırde reportaj júrgizemiz. Stýdentterge suraq qoıýǵa, vıktorınaǵa qatysýǵa jáne júlde utyp alýǵa múmkindik bolady», dedi Strategııa jáne turaqty damý jónindegi basqarýshy dırektor Elvıra Qonaqbaeva.
Stendte 500 kV joǵary kerneýli áýe elektr jetkizý jelisiniń maketi jasalǵan. Bul jeliler respýblıka boıynsha elektr energııasyn jetkizýge qoldanylady. Qazir «KEGOC» 28 000 km jýyq 398 áýe jelisin basqarady. Ol búkil eldi elektrmen jabdyqtaýdy qamtamasyz etetin basty ınfraqurylym. Munda túrli aspaly ızolıatorlar, elegazdy ajyratqyshtar, elegazdy quıý men shyǵarý qurylǵysy, elektr jelisin qaýipsiz basqarýǵa arnalǵan ajyratqysh bar. Jeli qaýipsizdigin tekserý úshin FLIR T640 vıdeokamera men lazerlik ólsheýish qoldanylady. Olar jeli jumysyn toqtatpaı-aq aqaýdy anyqtaýǵa múmkindik beredi. MAVIC 3 PRO kvadrokopteri joǵary voltty jelini, ásirese qıyn jetetin aımaqty tekserýdi jeńildetedi.
«Elektrık úıinde», PTS 400.3 avtomattandyrylǵan kalıbrleý qurylǵysy men Siemens kompanııasynyń sandyq júıesimen jabdyqtalǵan relelik qorǵaý shkaftary tur. Olar elektr jelisiniń qaýipsizdigi men avtomattandyrý deńgeıin arttyrady», dedi Paıdalaný jáne kúrdeli qurylys jónindegi basqarýshy dırektor Ermahanbet Ataqulov.
Kompanııada óndiris qyzmetkeriniń orta aılyq jalaqysy 674,9 myń teńgeni, jumys mamandardyń orta aılyq jalaqysy – 525,9 myń teńgeni quraıdy. «KEGOC» qyzmetkerlerdiń ál-aýqatyn jaqsartý boıynsha sharalardy tıimdi júzege asyrýda, áleýmettik turaqtylyq reıtıngi 87% quraıdy, bul – «Samuryq-Qazyna» kompanııalary tobyndaǵy eń joǵary kórsetkish.