Memleket basshysynyń Jarlyǵymen Nurymbet Amanuly Saqtaǵanov Shyǵys Qazaqstan oblysynyń ákimi laýazymyna taǵaıyndaldy, dep jazady Egemen.kz.
Nurymbet Amanuly 1970 jyly Túrkistan oblysynda dúnıege kelgen. Qorqyt Ata atyndaǵy Qyzylorda memlekettik ýnıversıtetin, Máskeý memlekettik ekonomıka, statıstıka jáne ınformatıka ýnıversıtetin, S.Amanjolov atyndaǵy Shyǵys Qazaqstan memlekettik ýnıversıtetin bitirgen.
Ol ár jyldary memlekettik qyzmette jaýapty basshylyq mindetterin atqarǵan.
2007-2012 jyldary Qazaqstan Respýblıkasy Ekonomıka jáne bıýdjettik josparlaý mınıstrligi Syrtqy ınvestısııa kózderin josparlaý bólimi basshysy, atalǵan mınıstrdiń keńesshisi, Eńbek jáne áleýmettik qorǵaý mınıstrligi mıgrasııa komıteti tóraǵasynyń orynbasary, Qazaqstan Respýblıkasy Prezıdenti Ákimshiliginiń memlekettik ınspektory bolyp qyzmet etti.
2012-2021 jyldary Shyǵys Qazaqstan oblysy ákiminiń orynbasary, birinshi orynbasary, Ulan aýdanynyń jáne Semeı qalasynyń ákimi qyzmetterin atqarǵan.
2021 jyldyń aqpan aıynan 2022 jyldyń maýsym aıyna deıin Shyǵys Qazaqstan oblysy Jarma aýdanynyń ákimi laýazymynda eńbek etti.
2022 jyldyń 24 maýsymynan bastap osy ýaqytqa deıin Qyzylorda oblysy ákiminiń orynbasary boldy.
ShQO-nyń jańa ákimi buǵan deıin aımaq basshysynyń birinshi orynbasary bolǵan. Ol bul qyzmetke 2023 jyldyń qyrkúıek aıynda taǵaıyndalǵan edi.