2024 jyldyń qorytyndysy boıynsha Ulttyq qordyń valıýtalyq aktıvteri $58,8 mlrd (31 jeltoqsandaǵy bir dollar úshin 524 teńge baǵamy boıynsha 30,8 trln teńge) qurady. Investısııalyq kiris $4,6 mlrd (2,4 trln teńge) nemese 7,6% deńgeıinde qalyptasty. Bul týraly Egemen.kz Ulttyq bank taratqan derekterge silteme jasap habarlaıdy.
Ulttyq qor qurylǵan sátten bastap onyń jınaqtalǵan kiristiligi 2000 jyly 128% -ǵa nemese jyldyq kórsetýde 3,55% - ǵa jetti. Mundaı málimetter Ulttyq bank basqarmasynyń otyrysynda keltirildi.
Otyrys barysynda Ulttyq bank basshylyǵy valıýtalyq retteý máseleleri boıynsha birqatar normatıvtik-quqyqtyq aktilerge ózgerister engizdi. Bankterdiń valıýtalyq operasııalar boıynsha eseptilikti usyný merzimderin qysqartty. Júrgizilýi valıýtalyq zańnamanyń talaptarynan jaltarýǵa baǵyttalýy múmkin jáne qarjy monıtorıngine jatatyn operasııalardyń tizbesin keńeıtti. Aıyrbastaý oryndarynda satyp alý baǵamynyń satý baǵamynan aýytqý shegin belgiledi.
Qarjy mınıstrliginiń málimetinshe, Ulttyq qordyń mólsheri 2024 jyldyń qorytyndysymen 33 trln teńgeni qurady. Bir jyl ishinde qorǵa 8,82 trln teńge túsip, 5,62 trln teńge paıdalanyldy. О́tken jyldyń toǵyz aıyndaǵy ınvestısııalyq kiris 4,98 trln teńgeni qurady.
Qarjy mınıstrliginiń málimetteri Ulttyq banktiń málimetterimen erekshelenedi, sebebi vedomstvo qordyń valıýtalyq aktıvterin ǵana emes, teńgedegi aktıvterdi de eskeredi.
Ulttyq qordyń ınvestısııalyq kirisi - bul aksııalardy, oblıgasııalardy, depozıtterdi jáne basqalardy qosa alǵanda, onyń aktıvterin ártúrli qarjy quraldaryna ornalastyrýdan alynǵan paıda.