Zań ústemdigi adamǵa qyzmet etýi tıis

Onyń jumysyna QR Parla­mentiniń depýtattary, Prezıdent Ákimshiligi men ózge de memlekettik organdardyń, úkimettik emes uıym­dardyń ókilderi qatynasty. Eki kún boıyna adam quqyǵy máselesin sóz etken semınarda aıtylǵan basty oı zań ústemdiginiń adamǵa qyzmet etýi boldy desek, artyq aıtqandyq emes. Basqosýdy ashyp, onyń modera­tor­lyǵynyń tizginin ustaǵan Adam quqyqtary jónindegi ulttyq orta­lyqtyń jetekshisi Vıacheslav Ka­lıýj­nyı alǵashqy sóz kezegin Qa­zaq­standaǵy Adam quqyqtary jó­nindegi ýákil Asqar Shákirovke bergen. Kún tártibine qoıylǵan má­seleler jóninde sóz qozǵaǵan she­shen elimizdiń adam quqyqtary sa­la­syndaǵy halyqaralyq kelisim­der­ge qol qoıǵanyn, sonymen qa­tar, zorlyq-zombylyq kórsetý áre­ketteri jónindegi halyqaralyq qu­jattardyń da ratıfıkasııalan­ǵa­nyn alǵa tartty.

“О́tken jyly eli­miz azamattar men saıası quqyqtar jó­nindegi paktini ratıfıkasııa­la­dy. Sóıtip, memleketimiz azamat­tar­dyń buzylǵan quqyqtarynyń halyqaralyq talaptar negizinde qalpyna keltirýlerine múmkindik jasady. Adam quqyqtary sala­syn­daǵy halyqaralyq qujattardy ra­tı­fıkasııalaý memlekettiń ulttyq quqyq qorǵaý tetikterin halyqara­lyq standarttar negizinde jetil­dirýge múmkindik beredi”, dedi Adam quqyqtary jónindegi ýákil. Semınar jumysynyń joǵary dá­rejede ótýine atsalysqan halyq­ara­lyq sarapshylar oǵan qatysý­shy­lar nazaryna Birikken Ulttar Uıymynyń komıtetterine jeke sha­ǵymdardy berý men qaraý tár­tip­teri jóninde keńinen áńgimeledi.

Máselen, danııalyq Pol Dalton Aza­mattyq jáne saıası quqyq jó­nin­degi halyqaralyq paktiniń maz­muny men ony túsindirý jaǵyn baıan­dasa, germanııalyq Karmen Tıele halyqaralyq paktiniń aza­mattyq jáne saıası partııalarǵa qa­tysty 14-baby jaıynda keńinen tolǵady. Talqylaý barysynda semınarǵa qatysýshylar azamattyń óz pikirin erkin jetkizýge degen quqyqtaryn iske asyrý boıynsha elimizdegi zań ústemdigi men keıbir ishinara kez­desetin adam quqyqtarynyń aıaqqa basylý jaǵdaılaryn boldyrmaýǵa qatysty oılarymen bólisti.

Eki kún boıyna adam quqyq­ta­ry­nyń saqtalý máselelerin sóz et­ken basqosýǵa qatysýshylar semı­nar ótkizilýiniń ózektiligine mán berip, ulttyq zańnamalarymyzǵa halyqaralyq normalar men stan­darttardy odan ári engize túsýdiń mańyzdylyǵyn basa aıtty. Jıynǵa qatysýshylar adam qu­qyq­taryn qorǵaý halyqaralyq ta­lap­tar negizinde júzege asyrylýy tıis ekenin sóz ete kele, zań ús­tem­diginiń bárinen bıik turýynyń ma­ńyzyn da nazarǵa alyp, onyń qo­ǵamymyzdy órkenıetke jeteleıtin kúsh ekenine, al túptep kelgende, onyń adamǵa qyzmet etetinine shek keltirmeıtinderin bildirdi.

Anar TО́LEÝHANQYZY.