Aqtóbede 21 kásiporyn ókilderi, 40 tehnıkalyq– kásiptik bilim berý uıymdary stýdentteri men qala mektepteriniń 9-synyp oqýshylary qatysýymen «Kásibı ashyq alań» kórmesi ótti, dep habarlaıdy Egemen.kz.
Kórmede tehnıkalyq jáne kásiptik bilim berý mekemeleriniń stýdentteri óz jetistikteri men ınnovasııalyq jańalyqtaryn usyndy. Máselen, Eýropalyq joǵary ekonomıka, bıznes jáne quqyq kolledji daýys arqyly basqarylatyn gýmanoıd robot pen ıt robotty tanystyrdy. Olardy qonaq úıde qyzmet etýge, múmkindigi shekteýli jandarǵa kómek kórsetýge jáne izdestirý-qutqarý sharalaryna qatystyrýǵa bolady. Qobda kópsalaly kolledji jıhaz jasaý boıynsha aǵash óńdeýden sheberlik sabaqtaryn ótkizdi. Shalqar kópsalaly kolledji kıiz buıymdaryn jasaý tehnologııasymen tanystyryp, qoı, túıe júnderinen sýret salý joldaryn kórsetti. Sondaı-aq kórmede erekshe bilim alý qajettilikteri bar jastarǵa arnalǵan kásip túrleri tanystyryldy.
Kásiporyn ókilderi kolledj basshylyǵy men stýdentterdiń arasyndaǵy úsh jaqty kelisimder jasaý múmkindigin talqylady. Kórmeni Aqtóbe oblysynyń ákimi Ashat Shaharov aralap, básekege qabiletti jáne suranysqa ıe mamandar daıyndaýdy kúsheıtý maqsatynda bıylǵy jyly óńirdegi on kolledjde qaıta jabdyqtaý jumystary júrgiziletinin atap ótti. Bul suranysqa ıe jumysshy mamandaryn daıyndaýǵa jaqsy serpin beredi.