Ippoterapııa ortalyǵy Almaty oblysy, Talǵar aýdanynda ornalasqan. Bul ortalyqtyń ashylýy – múgedektigi bar balalardyń densaýlyǵyn qalpyna keltirýge, psıhologııalyq turǵyda qoldaýǵa jáne áleýmettik turǵydan belsendi bolýǵa múmkindik beredi, dep habarlaıdy Egemen.kz.
«Biz osy ortalyqty ashý arqyly múgedektigi bar balalarǵa jańa múmkindikter usynyp, olardyń qoǵamǵa beıimdelýine kómektesýdi maqsat etip otyrmyz. Ippoterapııa balalardyń fızıkalyq jáne emosıonaldyq turǵyda damýyna úlken áser etedi. Sonymen qatar, bul balalardyń óz-ózderine degen senimin arttyryp, olardyń ómir súrý sapasyn jaqsartady», dedi ashylý saltanatynda sóz alǵan Almaty oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Aıgúl Ahmetova.
Ortalyqta joǵary bilikti mamandar men attardy tárbıeleý boıynsha arnaıy mamandar jumys isteıtin bolady. Munda balalar densaýlyqtaryn qalpyna keltirý úshin tek atpen serýendep qana qoımaı, ózderine degen senimdilik, sabyrlylyq jáne emosııalyq turaqtylyq daǵdylaryn da ıgeredi.
«Ippoterapııa ortalyǵynyń ashylýy – múgedektigi bar balalar úshin qoǵamda teń múmkindikter jasaýdyń bir bóligi bolyp tabylady. Sondyqtan olardyń otbasylary úshin de úlken qýanysh. Ortalyqqa kelgen balalar saýyǵyp, baqytty balalyq shaqqa bólensin», degen Talǵar aýdany ákiminiń keńesshisi, I toptaǵy múgedektigi bar Marat Japarov ortalyqtyń jumysyna sáttilik tiledi.
Jańa ashylǵan ortalyq – balalardyń ómirin jaqsartýǵa jáne olardyń qoǵamǵa beı̆imdelýine úlken yqpal etetin bolady.